انشاء اللہ خان انشا

رکھتے ہیں کہیں پانو تو پڑتے ہیں کہیں اور
ساقی تو ذرا ہاتھ تو لے تھام ہمارا
ضعف آتا ہے دل کو تھام تو لو
بولیو مت بھلا سلام تو لو

داغ دہلوی

ہاتھ نکلے اپنے دونوں کام کے
دل کو تھاما ان کا دامن تھام کے
اس نزاکت کا برا ہو بزم سے
اٹھتے ہیں وہ دست دشمن تھام کے
نالہ و فریاد کی طاقت کہاں
بات کرتا ہوں کلیجا تھام کے

شیخ ابراہیم ذوق

ہم ان کے زور کے قائل ہیں ہیں وہی شہ زور
جو عشق میں دلِ مضطر کو تھام لیتے ہیں

عبدالحمید عدم

پہنچائی ہے تکلیف بہت پہلے ہی تجھ کو
اے راہنما ہاتھ نہ اب تھام ہمارا
اتنی تیزی بھی کیا پلانے میں
آبگینے کو تھام پیتا ہوں
ساقی تجھے اک تھوڑی سی تکلیف تو ہو گی
ساغر کو ذرا تھام میں کچھ سوچ رہا ہوں

قمر جلالوی

کس سے شکوہ کر رہے ہیں آ دامن تھام کے
بندہ پرور سینکڑون ہوتے ہیں اک اک نام کے
ہیں ہمارے قتل میں بدنام کتنے نام کے
جو کہ قاتل ہے وہ بیٹھا ہے ہے کلیجا تھام کے

شکیب جلالی

اک سانس کی طناب جو ٹوٹی تو اے شکیبؔ
دوڑے ہیں لوگ جسم کے خیمے کو تھامنے

مجید امجد

نہیں سنتا کوئی مجھ کشتۂ آلام کے شکوے
کیے میں نے ہر اک ایواں کی چوکھٹ تھام کے شکوے