انشاء اللہ خان انشا

صاف کہہ بیٹھیے نہ جی میں جو ہو
آپ کو اپنی سادگی کی قسم

باقی صدیقی

کہہ کے روداد زندگی باقیؔ
ہنس دیے کتنی سادگی سے ہم

جگر مراد آبادی

بھول جاتا ہوں میں ستم اس کے
وہ کچھ اس سادگی سے ملتا ہے

عبدالحمید عدم

میں اور اس غنچہ دہن کی آرزو
آرزو کی سادگی تھی میں نہ تھا

ضیا جالندھری

کتنا پرکار ہو گیا ہوں کہ تھا
واسطہ تیری سادگی سے مجھے

ماجد صدیقی

ہم خاک ہوئے تری خوشی کو
ہاں دیکھ ہماری سادگی کو

اختر امام رضوی

دنیا بھی پیش آئی بہت بے رخی کے ساتھ
ہم نے بھی زخم کھائے بڑی سادگی کے ساتھ
جو سنگ ہو کے ملائم ہے سادگی کی طرح
پگھل رہا ہے مرے دل میں چاندنی کی طرح

شکیل بدایونی

شوخی حسنِ بے اماں کی قسم
حسن کی سادگی نہیں جاتی

احمد فراز

خوشا وہ لوگ کہ محروم التفات رہے
ترے کرم کو بہ انداز سادگی نہ لیا

محبوب خزاں

محبت پر نہ بھولو محبت بے کسی ہے
سکون سرو و سنبل سب اپنی سادگی ہے
جو کھیل جانتے ہیں ان کے اور ہیں انداز
بڑے سکون بڑی سادگی سے کھیلتے ہیں

ناصر کاظمی

ناز بیگانگی میں کیا کچھ تھا
حسن کی سادگی میں کیا کچھ تھا