انشاء اللہ خان انشا

چمن امن و اماں کے تمہیں ہو سیر نصیب
سائیں اللہ سدا بر سر ارشاد رہو

داغ دہلوی

یوں آنکھ ان کی کر کے اشارہ پلٹ گئی
گویا کہ لب سے ہو کے کچھ ارشاد رہ گیا

مومن خان مومن

نالۂِ پیہم سے یاں فرصت نہیں
حضرتِ ناصح کریں ارشاد کیا

جون ایلیا

بجا ارشاد فرمایا گیا ہے
کہ مجھ کو یاد فرمایا گیا ہے

جگر مراد آبادی

بظاہر کچھ نہیں کہتے مگر ارشاد ہوتا ہے
ہم اس کے ہیں جو ہم پر ہر طرح برباد ہوتا ہے
نگاہیں کیا کہ پہروں دل بھی واقف ہو نہیں سکتا
زبان حسن سے ایسا بھی کچھ ارشاد ہوتا ہے
تصور میں ہے کچھ ایسا تری تصویر کا عالم
کہ جیسے اب لبِ نازک سے کچھ ارشاد ہوتا ہے

عبدالحمید عدم

بھولی بسری باتوں سے کیا تشکیل روداد کریں
ہم کو تو کچھ یاد نہیں ہے آپ ہی کچھ ارشاد کریں

تلوک چند محروم

دل ہے بے ‌ ذوق غزل محرومؔ لیکن چند شعر
لکھ دیے ہیں حضرت ارمانؔ کے ارشاد پر
مرے اشعار کی توصیف ہوتی ہے مرے ہوتے
نہیں معلوم میرے بعد کیا ارشاد ہوتا ہے

جوش ملیح آبادی

سوز غم دے کے مجھے اس نے یہ ارشاد کیا
جا تجھے کشمکش دہر سے آزاد کیا
اے میں سو جان سے اس طرز تکلم کے نثار
پھر تو فرمائیے کیا آپ نے ارشاد کیا
اتنا مانوس ہوں فطرت سے کلی جب چٹکی
جھک کے میں نے یہ کہا مجھ سے کچھ ارشاد کیا

حفیظ جالندھری

خداوندا قضا نے چھین لی ہے
مرے آغوش سے ارشادؔ میری
کسی امید پر زندہ رہوں یا گھٹ کے مر جاؤں
وہ کیا کہتے ہیں اے قاصد وہ کیا ارشاد کرتے ہیں
میں نے اپنی قیمت کہہ دی
تم بھی کچھ ارشاد کرو گے

سیماب اکبر آبادی

اب اے بے درد کیا اس کے لیے ارشاد ہوتا ہے
پھر اپنی خاک سے پیدا دلِ برباد ہوتا ہے