انشاء اللہ خان انشا

دے گالیاں ہزاروں سن مطلع اس غزل کا
کہنے لگے کہ انشاؔ اس کا یہ صلہ ہے

عبدالحمید عدم

اتنا تو دوستی کا صلہ دیجیے مجھے
اپنا سمجھ کے زہر پلا دیجیے مجھے

رئیس فروغؔ

مل گئی ہے جو تھکن گھر بیٹھے
کس مشقت کا صلہ کہلائے

زہرا نگاہ

اس رہ گزر میں اپنا قدم بھی جدا ملا
اتنی صعوبتوں کا ہمیں یہ صلہ ملا
ہر خار عنایت تھا ہر اک سنگ صلہ تھا
اس راہ میں ہر زخم ہمیں راہنما تھا

سدرشن فاکر

دنیا سے وفا کر کے صلہ ڈھونڈ رہے ہیں
ہم لوگ بھی ناداں ہیں یہ کیا ڈھونڈ رہے ہیں

عبید اللہ علیم

جو اس نے کیا اسے صلہ دے
مولا مجھے صبر کی جزا دے

علی سردار جعفری

ہم نشیں سادہ دلی ہائے تمنا مت پوچھ
بے وفاؤں سے وفاؤں کا صلہ مانگتے ہیں

احمد فراز

ہم تیری بزم سے اٹھے بھی تو خالی دامن
لوگ کہتے ہیں کہ ہر دکھ کا صلہ ہے سو کہاں

نوح ناروی

ہر طلب گار کو محنت کا صلہ ملتا ہے
بت ہیں کیا چیز کہ ڈھونڈے سے خدا ملتا ہے