انشاء اللہ خان انشا

واقعی یوں تو ذرا دیکھیو سبحان اللہ
تیرے دکھلانے کو ہم چشم یہ نم کرتے ہیں

بہادر شاہ ظفر

رسوائے جہاں کرتا ہے رو رو کے ہمیں تو
ہم تجھے کچھ اے دیدۂِ نم کہہ نہیں سکتے

شیخ ابراہیم ذوق

بھگو رہوے گا گریہ جیب و دامن
رہے ہے آستیں پر نم ابھی سے

مصحفی غلام ہمدانی

جلتا ہے جگر تو چشمِ نم ہے
کیا جانے یہ کس کا مجھ کو غم ہے
شانہ اک عمر سے کرتا ہے دو وقتی خدمت
تجھ کو معلوم ہے اے دیدۂِ نم کیا ہو گا

مومن خان مومن

کسی کے جلنے کا دھیان آیا وگرنہ دود فغاں سے میرے
اگر ہزاروں سپہر بنتے تمہاری آنکھوں میں نم نہ ہوتا

فیض احمد فیض

بزمِ ثروت کے خوش نشینوں سے
عظمت چشمِ نم کی بات کرو
کرے نہ جگ میں الاؤ تو شعر کس مصرف
کرے نہ شہر میں جل تھل تو چشمِ نم کیا ہے

جون ایلیا

وہ بھی پڑھتا نہیں ہے اب دل سے
ہم بھی نالے کو نم نہیں کرتے
دیتا ہوں تم کو خشکی مژگاں کی میں دعا
مطلب یہ ہے کہ دامن پر نم ملے تمہیں

جگر مراد آبادی

یا رب ہجوم درد کو دے اور وسعتیں
دامن تو کیا ابھی مری آنکھیں بھی نم نہیں

قمر جلالوی

یہ بزمِ غیر ہے کچھ آبروئے عشق کا پاس
تھمے نہ اشک اے چشمِ نم تو کیا ہو گا

عرفان صدیقی

صبر اے عشق‘ وہ خواہاں ہے شکیبائی کا
طلبِ دیدۂ پر نم نہیں کرتا ہم سے

ادا جعفری

عذر وفا کے ساتھ جلاتے رہے چراغ
کھلتا ہے اب کہ دیدۂ نم بھی بہانہ ساز
سحر سے پہلے یہاں آفتاب ابھرے ہیں
خلوص بندگی چشمِ نم کو پہچانے
مزاج و مرتبۂ چشمِ نم کو پہچانے
جو تجھ کو دیکھ کے آئے وہ ہم کو پہچانے

اسرار الحق مجاز

ابھی بزمِ طرب سے کیا اٹھوں میں
ابھی تو آنکھ بھی پر نم نہیں ہے

بہزاد لکھنوی

تمہارے ذکر پر کب منحصر ہے دل کی بیتابی
کسی کا ذکرِ ہو میں چشمِ نم محسوس کرتا ہوں

ضیا جالندھری

تیرا احساں ہے کہ شاداب رہا کنج خیال
دل پر خوں کی طرح دیدۂ پر نم کی طرح
احوال بتائیں کیا رستے کی سنائیں کیا
با حالتِ زار آئے بادیدۂ نم پہنچے
وہ شاخ بنے سنورے وہ شاخ پھلے پھولے
جس شاخ پہ دھوپ آئے جس شاخ کو نم پہنچے

ظہیر کاشمیری

تری چشم طرب کو دیکھنا پڑتا ہے پر نم بھی
محبت خندۂ بے باک بھی ہے گریۂ غم بھی

عبید اللہ علیم

ہنسو تو رنگ ہوں چہرے کا رؤو تو چشمِ نم میں ہوں
تم مجھ کو محسوس کرو تو ہر موسم میں ہوں

احمد راہی

اتر چکا ہے رگ و پے میں زہر غم پھر بھی
بہ پاس‌ عہد وفا چشم نم نہیں کرتے

حسرت موہانی

وقار صبر کھویا گریہ ہائے بے قراری نے
کہیں اے اعتبار چشمِ نم ایسا بھی ہوتا ہے

حفیظ ہوشیارپوری

حسن و عشق جدا ہوتے ہیں جانے کیا طوفان اٹھے گا
حسن کی آنکھیں بھی ہیں پر نم عشق کی آنکھیں بھی ہیں پر نم
ہمارے دل میں سیلِ گریہ ہو گا
اگر با دیدۂ پر نم نہ ہوں گے

رسا چغتائی

مٹی جب تک نم رہتی ہے
خوشبو تازہ دم رہتی ہے
کیوں آپ پریشاں رہتے ہیں
کیوں آنکھ رساؔ نم رہتی ہے

عزیز حامد مدنی

اب جن کے غم کا تیرا تبسم ہے پردہ دار
آخر وہ کون تھے کہ بہ مژگان نم گئے
اس سرو قد کی تاب و ملائم رخی کا راز
عصیاں کی شب میں دیدۂ پر نم سا رہ گیا

فانی بدایونی

پاتے ہی خجل رحم کا دریا امڈ آیا
پردہ مری آنکھوں کا ابھی نم نہ ہوا تھا

احمد فراز

یار بے پروا! کبھی ہم نے کوئی شکوہ کیا
ہاں مگر ان ناسپاس آنکھوں کا نم اپنی جگہ

شاذ تمکنت

ناز بردار سوال دل پر خوں نہ ملا
کاسہ دیدۂ نم نے مجھے جینے نہ دیا

فراق گورکھپوری

آہ یہ مہربانیاں تیری
شادمانی کی آنکھ پر نم ہے
یہ تو نہیں کہ غم نہیں
ہاں مری آنکھ نم نہیں

قتیل شفائی

زندگی کے غم لاکھوں اور چشمِ نم تنہا
حسرتوں کی میت پر رو رہے ہیں ہم تنہا
اے دوست! تری آنکھ جو نم ہے تو مجھے کیا
میں خوب ہنسوں گا تجھے غم ہے تو مجھے کیا
کم نظروں کی اس دنیا میں دیر بھی ہے اندھیر بھی ہے
پتھرایا ہر دیدۂ پر نم دیکھنے والے دیکھتا جا

ناصر کاظمی

گریہ پیہم رہا ہے آنکھوں میں
رات بھر نم رہا ہے آنکھوں میں
دف بجائیں گے برگ و شجر صف بہ صف ہر طرف
خشک مٹی سے پھوٹے گا نم صبر کر صبر کر