بہادر شاہ ظفر

جہاں میں چاہیے ایوان و قصر شاہوں کو
یہ ایک گنبد گردوں ہے بس گدا کے لیے

حیدر علی آتش

بعید کیا ہے مروت سے تیری اے شہ حسن
نگاہِ لطف سے دیکھے جو تو گدا کی طرف
ناز و نیاز عاشق و معشوق کیا کہوں
عجز و غرور شاہ و گدا کچھ نہ پوچھئے

مصطفٰی خان شیفتہ

دیا ہے بوسہ مجھے جب کہ میں ہوا گستاخ
غلط ہے بات کہ کم رزق ہے گدا گستاخ
منت سے مناتے ہیں مجھے میں نہیں منتا
اوضاع ملک دیکھ اور اطوار‌ گدا دیکھ

باقی صدیقی

دیار عشق میں ہر دل تھا آئنہ اپنا
وہی تھا شاہ کا انداز جو گدا کا تھا
اپنا دامن بھی وہ بچاتے ہیں
بے تکلف بھی ہیں گدا کے ساتھ