حیدر علی آتش

آتش نفس ہوا ہے گل زار کی ہمارے
بجلی گری ہے غنچے جب مسکرا دیے ہیں

باقی صدیقی

اک زمانے کی ہے نظر مجھ
اس لیے مسکرا رہا ہوں
دل کی آزادی بجا، نظروں کی بیباکی درست
زیست کیوں اس پر بھی کھل کر مسکرا سکتی نہیں

جگر مراد آبادی

نظر ملا کے مرے پاس آ کے لوٹ لیا
نظر ہٹی تھی کہ پھر مسکرا کے لوٹ لیا
یہاں تو خود تری ہستی ہے عشق کو درکار
وہ اور ہوں گے جنہیں مسکرا کے لوٹ لیا
یہ دن بہار کے اب کے بھی راس آ نہ سکے
کہ غنچے کھل تو سکے کھل کے مسکرا نہ سکے

عبدالحمید عدم

حوادث روزگار میری خوشی سے کیا انتقام لیں گے
کہ زندگی وہ حسین ضد ہے کہ بے سبب مسکرا رہی ہے
لہرا کے جھوم جھوم کے لا مسکرا کے لا
پھولوں کے رس میں چاند کی کرنیں ملا کے لا
یہ کیا ادا ہے کہ جب ان کی برہمی سے ہم
نہ مر سکے تو ہمیں مسکرا کے مار دیا
شاید ترے لبوں کی چٹک سے ہو جی بحال
اے دوست مسکرا کہ طبیعت اداس ہے

قمر جلالوی

یہ تہذیبِ چمن بدلی ہے بیرونی ہواؤں نے
گریباں چاک پھولوں پر کلی کا مسکرا دینا

مجید امجد

آئے کبھی تو پھر وہی صبحِ طرب کہ جب
روٹھے ہوئے غموں سے ملیں مسکرا کے ہم

احسان دانش

نگاہ و لب میں ہنسی کی سکت نہیں لیکن
بہ جبر عشق و وفا مسکرا رہا ہے کوئی

اختر شیرانی

وہ کہتے ہیں رنجش کی باتیں بھلا دیں
محبت کریں خوش رہیں مسکرا دیں
بہاریں سمٹ آئیں کھل جائیں کلیاں
جو ہم تم چمن میں کبھی مسکرا دیں

اسرار الحق مجاز

نقابِ رخ سے اٹھا چکے ہیں کھڑے ہوئے مسکرا رہے ہیں
میں حیرتی ازل ہوں اب بھی وہ خاک حیراں بنا رہے ہیں

سدرشن فاکر

اگر ہم کہیں اور وہ مسکرا دیں
ہم ان کے لیے زندگانی لٹا دیں

جوش ملیح آبادی

سطح دریا پہ چاندنی جیسے
چونک کر مسکرا رہا ہے یہ کون

حفیظ جالندھری

دونوں کو دے کے صورتیں ساتھ ہی آئنہ دیا
عشق بسورنے لگا حسن نے مسکرا دیا
خبث دروں دکھا دیا ہر دہن غلیظ نے
کچھ نہ کہا حفیظؔ نے ہنس دیا مسکرا دیا
ان تلخ آنسوؤں کو نہ یوں منہ بنا کے پی
یہ مے ہے خودکشید اسے مسکرا کے پی

سیف الدین سیف

جو سنائی انجمن میں شبِ غم کی آپ بیتی
کئی رو کے مسکرائے کئی مسکرا کے روئے

شاد عظیم آبادی

ہماری آنکھوں میں اشکوں کا آ کے رہ جانا
جھکا کے سر کو ترا مسکرا کے رہ جانا
وہ بزمِ غیر وہ ہر بار اضطراب مرا
بہ مصلحت وہ ترا مسکرا کے رہ جانا

شکیل بدایونی

حقیقت غمِ الفت چھپا رہا ہوں میں
شکستہِ دل ہوں مگر مسکرا رہا ہوں میں

فانی بدایونی

دل کی طرف حجاب تکلف اٹھا کے دیکھ
آئینہ دیکھ اور ذرا مسکرا کے دیکھ

احمد فراز

کھنچی ہوئی ہے مرے آنسوؤں میں اک تصویر
فرازؔ دیکھ رہا ہے وہ مسکرا کے مجھے

کلیم عاجز

مری بربادیوں کا ڈال کر الزام دنیا پر
وہ ظالم اپنے منہ پر ہاتھ رکھ کر مسکرا دے ہے

کیفی اعظمی

تم اتنا جو مسکرا رہے ہو
کیا غم ہے جس کو چھپا رہے ہو

محسن نقوی

اسی خیال میں گزری ہے شام درد اکثر
کہ درد حد سے بڑھے گا تو مسکرا دوں گا