حیدر علی آتش

خاک بھی ہوں تو ہوں خاکِ در اس کا آتشؔ
جس کے تھے دوش پیمبر کے سزا وار قدم
بیداد کی محفل میں سزا وار ہمیں تھے
تقصیر کسی کی ہو گنہ گار ہمیں تھے
بھڑکانے سے آتشؔ کو جلانے لگے یا تو
الطاف و عنایت کے سزا وار ہمیں تھے

داغ دہلوی

سنا ہے تیغ کو قاتل نے آب دار کیا
اگر یہ سچ ہے تو بے شبہ ہم پہ وار کیا

مصحفی غلام ہمدانی

خون عاشق سے وہ زہ دامن
دمِ شمشیر وار پھر چمکی
ثابت بچا نہ کافر و دیں دار تک کوئی
تیغِ نگہ نے اس کی کیے وار ہر طرف

مومن خان مومن

غصہ بیگانہ وار ہونا تھا
بس یہی تجھ سے یار ہونا تھا
جو تیرے منہ سے نہ ہو شرمسار آئینہ
تو رخ کرے سوئے آئینہ وار آئینہ
مقابل اس رخِ روشن کے کھل گئی قلعی
نہ ٹھہرا آگ پہ سیماب وار آئینہ

مرزا رفیع سودا

وسعت مرے سینے بیچ اے دہر
ٹک دل کو شگفتہ وار ہووے

جون ایلیا

لو وہ مجبور شہر صحرا سے
آج دیوانہ وار اٹھتا ہے
صفِ آخر سے لڑ رہا تھا میں
اور یہاں لاش وار آیا ہوں
اب اتنی کند ہو گئی دھار اے یقیں تری
اب روکتا نہیں ہے کوئی وار کو ترے
خوب ہی تھی وہ قوم شہیداں یعنی سب بے زخم و خراش
میں بھی اس صف میں تھا شامل وہ صف جو بے وار گری

جگر مراد آبادی

دل نے اک نالہ کیا آج اس طرح دیوانہ وار
بال بکھرائے کوئی مستانہ وار آ ہی گیا

قمر جلالوی

واہ کا کیا کہنا ہے اس پہلے پہل کے وار کا
میں ترے قربان قبضہ چوم لے تلوار کا
اگر ملیں گے یہی پھل تری محبت میں
نہال پھر کوئی امید وار کیا ہو گا

عرفان صدیقی

اولوں کی طرح ہم پہ برستا رہے موسم
ہم جھومتی شاخوں کی طرح وار بچائیں

بیان میرٹھی

بلا ہے شوق شہادت نہ اس نے وار کیا
جگر کو آپ ہی بڑھ کر سناں کے پار کیا

ظہیر کاشمیری

ڈسنے لگی ہیں ہم کو زمانے کی رونقیں
ہم جرم عاشقی کے سزا وار کیا ہوئے

عبید اللہ علیم

کچھ عشق تھا کچھ مجبوری تھی سو میں نے جیون وار دیا
میں کیسا زندہ آدمی تھا اک شخص نے مجھ کو مار دیا

جلیل مانک پوری

تجھے ہم دیکھنے آئیں گے سو بار
کوئی دیوانہ وار آئے نہ آئے

سیف الدین سیف

زخمِ دل ہم نے چھپائے ورنہ
تیری آنکھوں نے کیے وار کھلے

شکیل بدایونی

نگاہِ ناز کا اک وار کر کے چھوڑ دیا
دل حریف کو بیدار کر کے چھوڑ دیا

قتیل شفائی

بدل گئے زندگی کے محور طواف دیر و حرم کہاں کا
تمہاری محفل اگر ہو باقی تو میں بھی پروانہ وار آؤں