داغ دہلوی

زباں ہلاؤ تو ہو جائے فیصلہ دل کا
اب آ چکا ہے لبوں پر معاملہ دل کا
خدا کے واسطے کر لو معاملہ دل کا
کہ گھر کے گھر ہی میں ہو جائے فیصلہ دل کا
ملی بھی ہے کبھی عاشقی کی داد دنیا میں
ہوا بھی ہے کبھی کم بخت فیصلہ دل کا

میر مہدی مجروح

سر کو تن سے مرے جدا کیجے
یہ بھی جھگڑا ہے فیصلہ کیجے

یگانہ چنگیزی

غالب اور میرزا یگانہؔ کا
آج کیا فیصلہ کرے کوئی
چلے چلو جہاں لے جائے ولولہ دل کا
دلیل راہِ محبت ہے فیصلہ دل کا

جون ایلیا

زندگی کا عجب معاملہ ہے
ایک لمحے میں فیصلہ کیجے

جگر مراد آبادی

دل ہمارا ہے یا تمہارا ہے
ہم سے یہ فیصلہ نہیں ہوتا
جہنم ہو کہ جنت جو بھی ہو گا فیصلہ ہو گا
یہ کیا کم ہے ہمارا اور ان کا سامنا ہو گا

عرفان صدیقی

خیمۂ نصرت بپا ہو گا علیؑ آنے کو ہیں
معرکوں کا فیصلہ ہو گا علیؑ آنے کو ہیں

مجید امجد

ذرا شکوہِ دو عالم کے گنبدوں میں لرز
پھر اس کے بعد ترا فیصلہ، جو تو چاہے

بشیر بدر

میں کب تنہا ہوا تھا یاد ہوگا
تمہارا فیصلہ تھا یاد ہوگا

سدرشن فاکر

عشق ہے عشق یہ مذاق نہیں
چند لمحوں میں فیصلہ نہ کرو

عالم تاب تشنہ

میں عدالت میں اٹھا لایا ہوں خود اپنی صلیب
میرے منصف دیکھ یہ بھی فیصلہ میں نے کیا