داغ دہلوی

قمر کو جامہ شب تو بصر کو پردۂ چشم
کئی لباس ترے نور کو سیاہ ملے
اس انقلاب میں ڈھونڈو جو مشک اور کافور
تو یہ سفید ملے اور وہ سیاہ ملے
نوید بخشش عصیاں اسے سنا دینا
جو شرمسار کہیں داغؔ رو سیاہ ملے

مصحفی غلام ہمدانی

مانیؔ سے کھنچی نہ خط کی تصویر
لاکھوں ورق سیاہ نکلے
ترے ہجر میں مہِ سیم بر کوئی غور سے جو کرے نظر
مری صبح شام سے ہے بتر مرا روز شب سے سیاہ ہے
کیا دیر ہے پھر یہ ابرِ رحمت
تختی تو سیاہ ہم نے کر لی

مومن خان مومن

پردہ پوشی ضرور تھی اے چرخ
کیوں شب بوالہوس سیاہ نہ کی

یگانہ چنگیزی

دل کائناتِ عشق میں شاہوں کا شاہ ہے
مختار کل تمام سفید و سیاہ کا

جگر مراد آبادی

فردِ عمل سیاہ کیے جا رہا ہوں میں
رحمت کو بے پناہ کیے جا رہا ہوں میں

عبدالحمید عدم

تجھ کو کیا دوسروں کے عیبوں سے
کیوں عبث رو سیاہ ہوتا ہے