داغ دہلوی

ہے تو ہی دینے والا پستی سے دے بلندی
اسفل مقام میرا اعلٰی مقام تیرا
چال کی رہنمائے عشق نے بھی
وہ دکھایا جو تھا مقام خراب
رہا نہ دل میں وہ بے درد اور درد رہا
مقیم کون ہوا ہے مقام کس کا تھا
برباد نہ ہو گی تیری الفت
تجویز مقامِ ہو گئی ہے

مومن خان مومن

گریے پہ میرے زندہ دلو ہنستے کیا ہو آہ
روتا ہوں اپنے میں دل جنت مقام کو
رتبہ افتادگی کا دیکھو ہے
عرش کے بھی پرے مقام مرا

باقی صدیقی

غمِ ایام تیری برہمی کا نام ہے شاید
جہاں تیری نظرِ بدلی وہیں مشکل مقام آیا
ضبطِ غم آخری مقام نہیں
اس سے آگے بھی ہیں مقام بہت

قمر جلالوی

کوششِ منزل سے تو اچھی رہی دیوانگی
چلتے پھرتے ان سے ملنے کا مقام آ ہی گیا

مجید امجد

تیرے دامن کی خوشبوؤں میں ہیں گم
سو سہانے مقام، موجِ صبا

علی سردار جعفری

اسی امید میں بیتابی جاں بڑھتی جاتی ہے
سکونِ دل جہاں ممکن ہو شاید وہ مقام آئے

تلوک چند محروم

عشوے ترے ہیں خوب مگر اے عروس دہر
جو تجھ سے بے نیاز ہیں ان کا مقام دیکھ

جوش ملیح آبادی

نہ اسم و جسم نہ حرف و نفس نہ سایہ و نقل
یہ کیا طلسم یہ کیسا مقام ہے ساقی

قابل اجمیری

وہ ہر مقام سے پہلے وہ ہر مقام کے بعد
سحر تھی شام سے پہلے سحر ہے شام کے بعد

قتیل شفائی

پیار کی راہ میں ایسے بھی مقام آتے ہیں
صرف آنسو جہاں انسان کے کام آتے ہیں