شیخ ابراہیم ذوق

تاثیر محبت عجب اک حب کا عمل ہے
لیکن یہ عمل یار پہ چل جائے تو اچھا

باقی صدیقی

غم کی نہیں آواز کوئی
کاغذ کالے کرتا چل
پھولوں کو شرار کہنے والو
کانٹوں پہ بھی لوگ چل رہے ہیں

جون ایلیا

سرخ اور سبز وادیوں کی طرف
وہ مرے ساتھ چل رہی ہو گی
جونؔ اس آن تک بخیر ہوں میں
زندگی داؤ چل گئی ہو گی
دل گلی میں رقیب دل کا جلوس
واں تو تلوار چل گئی ہو گی

عبدالحمید عدم

نہ دیکھ او مہ جبیں مری سمت اتنی مستی بھری نظر سے
مجھے یہ محسوس ہو رہا ہے شراب کا دور چل رہا ہے

عرفان صدیقی

غبارِ راہ گزر کا یہ حوصلہ بھی تو دیکھ
ہوائے تازہ ترے ساتھ چل رہا ہوں میں

ادا جعفری

ہر گام سنبھل سنبھل رہی تھی
یادوں کے بھنور میں چل رہی تھی
رودادِ سفر کی پوچھتے ہو
میں خواب میں جیسے چل رہی تھی

ضیا جالندھری

شجر جلتے ہیں شاخیں جل رہی ہیں
ہوائیں ہیں کہ پیہم چل رہی ہیں
دبے پاؤں مری تنہائیوں میں
ہوائیں خواب بن کر چل رہی ہیں
دبے پاؤں مری تنہائیوں میں
ہوائیں خواب بن کر چل رہی ہیں

ظہیر کاشمیری

اب دل سے کچھ کہو تو یہ دل مانتا نہیں
اے التفات یار تیرا وار چل گیا

غلام محمد قاصر

لب پہ سرخی کی جگہ جو مسکراہٹ مل رہے ہیں
حسرتوں کا بوجھ شانوں پر اٹھا کر چل رہے ہیں
زندگی کی دوڑ میں پیچھے نہ رہ جائیں کسی سے
خوف و خواہش کے یہ پیکر نیند میں بھی چل رہے ہیں

جلیل مانک پوری

دیکھا جو حسنِ یار طبیعت مچل گئی
آنکھوں کا تھا قصور چھری دل پہ چل گئی

سلام مچھلی شہری

پھر اپنے غنچۂ زخمِ جگر کا کیا ہو گا
نسیمِ صبح مری سمت چل تو سکتی ہے

شکیل بدایونی

نہ ملا سراغ منزل کبھی عمر بھر کسی کو
نظر آ گئی ہے منزل کبھی دو قدم ہی چل کر
مری تیز گامیوں سے نہیں برق کو بھی نسبت
کہیں کھو نہ جائے دنیا مرے ساتھ ساتھ چل کر

عزیز حامد مدنی

مری آنکھیں گواہ طلعت آتش ہوئیں جل کر
پہاڑوں پر چمکتی بجلیاں نکلیں ادھر چل کر
شب افسانہ خواں تو شہر کی آخر ہوئی مدنیؔ
کہاں جاتے ہو تم نکلے ہوئے یوں نیند میں چل کر

اختر ہوشیارپوری

اے جلتی رتو گواہ رہنا
ہم ننگے پاؤں چل رہے ہیں
گردش میں نہیں زمیں ہی اخترؔ
ہم بھی دبے پانو چل رہے ہیں

احمد فراز

جو چل سکو تو کوئی ایسی چال چل جانا
مجھے گماں بھی نہ ہو اور تم بدل جانا
جدائیاں تو مقدر ہیں پھر بھی جان سفر
کچھ اور دور ذرا ساتھ چل کے دیکھتے ہیں
بہت دنوں سے نہیں ہے کچھ اس کی خیر خبر
چلو فرازؔ کو اے یار چل کے دیکھتے ہیں

امیر مینائی

گرا میں ضعیف اس کے کوچے کو چل کر
زمیں رحم کر تو ہی پہنچا دے ٹل کر
نئی سیر دیکھو سوئے قاف چل کر
سرِ راہ بیٹھی ہیں پریاں نکل کر

فراق گورکھپوری

اب اتنی بند نہیں غم کدوں کی بھی راہیں
ہوائے کوچۂ محبوب چل تو سکتی ہے
بدلتا جائے غمِ روزگار کا مرکز
یہ چال گردشِ ایام چل تو سکتی ہے

کیفی اعظمی

اک تم کہ تم کو فکر نشیب و فراز ہے
اک ہم کہ چل پڑے تو بہرحال چل پڑے

ناصر کاظمی

گلی گلی مری یاد بچھی ہے پیارے رستہ دیکھ کے چل
مجھ سے اتنی وحشت ہے تو میری حدوں سے دور نکل
میرا منہ کیا دیکھ رہا ہے ، دیکھ اس کالی رات کو دیکھ
میں وہی تیرا ہمراہی ہوں ساتھ مرے چلنا ہو تو چل
رات ڈھل رہی ہے
ناؤ چل رہی ہے