مصحفی غلام ہمدانی

منہ سے نکلا تھا مرے اتنا ہی کیا اچھی ہے زلف
سنتے ہی اس بات کے کچھ وہ تو بل کھانے لگا
جب تک کہ تری گالیاں کھانے کے نہیں ہم
اٹھ کر ترے دروازے سے جانے کے نہیں ہم
عصمت کا اپنی اس کو جب آپھی غم نہ ہووے
لگتے ہیں ہم جو ناحق غم کھانے باؤلے ہیں

میر مہدی مجروح

اس سراپا بہار کے جلوے
رنگ کچھ اور ہی نہ کھانے لگے
بے غذا کے تو رہ نہیں سکتے
نہ ملا کچھ تو زہر کھانے لگے
غذا غم میں تھی میری خونِ جگر
اب اعدا کا بھی رشک کھانے لگے

باقی صدیقی

زندگانی کا سب مزہ باقیؔ
منحصر ہے فریب کھانے پر
اب نہیں تاب زخم کھانے کی
کر نہ تکلیف مسکرانے کی
زندگی پھر نہ راہ پر آئی
دیر تھی اک فریب کھانے کی
تباہی کے بادل ہیں لہرانے والے
کہاں ہیں زمانے کا غم کھانے والے
زمانہ کسی کا ہوا ہے نہ ہو گا
ارے او فریبِ وفا کھانے والے
کہیں نہ روشنی پاؤ گے میرے دل کے سوا
کہاں چلے ہو اندھیرے میں ٹھوکریں کھانے
ڈوبتا جا رہا ہے دل باقیؔ
وقت یہ تھا فریب کھانے کا

جون ایلیا

شوق ہے اس دل درندہ کو
آپ کے ہونٹ کاٹ کھانے کا
یہ میرا جوشِ محبت فقط عبارت ہے
تمہاری چمپئی رانوں کو نوچ کھانے سے

عبدالحمید عدم

آ گہی کیا ہے مسلسل خود فریبی کا چلن
روشنی کیا ہے فریب مستقل کھانے کا نام
دیکھ کر دلکشی زمانے کی
آرزو ہے فریب کھانے کی

عرفان صدیقی

دل کیسے ریت میں ڈوب گیا
آنکھیں تو دھوکا کھانے کو ہیں