مصحفی غلام ہمدانی

جاویں گے صبا باغ میں گلگشت چمن کو
پر تیری طرح خاک اڑانے کے نہیں ہم

باقی صدیقی

کوئی بات آ گئی کیا ان کی سمجھ میں باقیؔ
کس لیے چپ ہیں ہنسی میری اڑانے والے

قمر جلالوی

چھوڑ کر بستی یہ دیوانے کہاں سے آ گئے
دشت کی بیٹھی بٹھائی خاک اڑانے کے لیے

عرفان صدیقی

دھول سے کب تک کوئی شفاف جذبوں کو بچائے
خواہشوں کی آندھیاں پھر خاک اڑانے آ گئیں

شکیل بدایونی

دیکھ طفلک ناداں قدر کر بزرگوں کی
گتھیاں نہ سلجھیں گی مضحکہ اڑانے سے

شاذ تمکنت

دشت کیا شے ہے جنوں کیا ہے دوانے کے لیے
شہر کیا کم ہے مجھے خاک اڑانے کے لیے

فراق گورکھپوری

کمی نہ کی ترے وحشی نے خاک اڑانے میں
جنوں کا نام اچھلتا رہا زمانے میں