مرزا غالب

موجۂِ گل سے چراغاں ہے گزرگاہِ خیال
ہے تصور میں ز بس جلوہ نما موجِ شراب
نشے کے پردے میں ہے محوِ تماشائے دماغ
بس کہ رکھتی ہے سرِ نشو و نما موجِ شراب
جس رخ پہ ہوں ہم، سجدہ اسی رخ پہ ہے واجب
گو قبلہ نہیں ہیں مگر اک قبلہ نما ہیں
ہے پرے سرحدِ ادراک سے اپنا مسجود
قبلے کو اہلِ نظر قبلہ نما کہتے ہیں
تیرے کوچے کا ہے مائل دلِ مضطر میرا
کعبہ اک اور سہی، قبلہ نما اور سہی
عرضِ شوخی نشاطِ عالم ہے
حسن کو اور خود نما کیجے
معلوم ہوا حالِ شہیدانِ گزشتہ
تیغِ ستم آئینۂِ تصویر نما ہے
ہے آرمیدگی میں نکوہش بجا مجھے
صبحِ وطن ہے خندۂِ دنداں نما مجھے

حیدر علی آتش

کسے نیند آتی ہے اے صنم ترے طاق ابرو کی یاد میں
کبھی آشنائے تہ بغل سر مرغ قبلہ نما نہیں

داغ دہلوی

نغمہ بلبل کو رنگ و بو گل کو
دلکش و خوش نما دیا تو نے

مصحفی غلام ہمدانی

مخلوق ہوں یا خالق مخلوق نما ہوں
معلوم نہیں مجھ کو کہ میں کون ہوں کیا ہوں

مصطفٰی خان شیفتہ

سبقت ہو تجھے راہ میں اس کوچے کی مجھ پر
زنہار یہ اے راہ نما! ہو نہیں سکتا

مومن خان مومن

امتحاں کے لیے جفا کب تک
التفات ستم نما کب تک
سوجھے کیونکر فریب دل داری
دشمن آشنا نما ہے عشق

میر مہدی مجروح

نہیں اس رہ میں دوسرے کی کھپت
آپ ہی اپنا رہ نما ہوں میں

یگانہ چنگیزی

شب کی شب بزمِ طرب ہے پردہ دار انقلاب
صبح تک آئینۂ عبرت نما ہو جائے گی

باقی صدیقی

کھوکھلے قہقہے پھیکی باتیں
زیست کو زیست نما کیا دیکھیں

جگر مراد آبادی

رکھتے ہیں خضر سے نہ غرض رہ نما سے ہم
چلتے ہیں بچ کے دور ہر اک نقشِ پا سے ہم

عرفان صدیقی

عبارتیں جو ستاروں پہ ہم کو لکھنا تھیں
تری جبینِ ستارہ نما پہ لکھیں گے
کرتے ہیں اہلِ صبر و رضا اپنی صف درست
دل مطمئن ہیں قبلہ نما ان کے ساتھ ہے
زوالِ شب میں کسی کی صدا نکل آئے
ستارہ ڈوبے ستارہ نما نکل آئے

الطاف حسین حالی

پردۂ چشم تھے حجاب بہت
حسن کو خود نما کیا تو نے

اسرار الحق مجاز

کیا بتا دو مجازؔ کی دنیا
کچھ حقیقت نما بھی ہوتی ہے

بشیر بدر

پچھلی رات کی نرم چاندنی شبنم کی خنکی سے رچا ہے
یوں کہنے کو اس کا تبسم برق صفت ہے شعلہ نما ہے

بیخود بدایونی

ہیں وصل میں شوخی سے پابند حیا آنکھیں
اللہ رے ظالم کی مظلوم نما آنکھیں

ضیا جالندھری

بہت اداس ہے دل دوستوں کی محفل میں
ہر ایک آنکھ میں چہرہ نما ہے تنہائی

عالم تاب تشنہ

یہ کہنا حسرتِ تعمیر اب بھی ہے دل میں
بنا لیا ہے مکاں تو مکاں نما کہنا

تلوک چند محروم

بہار آئی ہر اک ذرے سے پھوٹی حسن کی دنیا
فریب ماسوا کے حق نما ہونے کا وقت آیا

ثروت حسین

صبح کے شہر میں اک شور ہے شادابی کا
گل دیوار، ذرا بوسہ نما ہو جانا
زشت اور خوب کے مابین جلایا میں نے
جس گل سرخ کو تھا شعلہ نما ہو جانا
ہوا ہے کون نمودار تین سمتوں سے
کہ اندروں کا جزیرہ نما بدلنے لگا

حسرت موہانی

نظارۂ پیہم کا صلا میرے لیے ہے
ہر سمت وہ رخ جلوہ نما میرے لیے ہے

حفیظ جالندھری

کوئی بھی تو دکھاؤ منزل پر
جس کو دیکھا ہو رہ نما کے سوا

خاطر غزنوی

گزری ہوئی کل کے ہوئے سکے سبھی کھوٹے
جو آج کا سکہ ہے وہی قبلہ نما ہے

سیماب اکبر آبادی

خود بین و خود شناس ملا خود نما ملا
انساں کے بھیس میں مجھے اکثر خدا ملا

شاد عظیم آبادی

کس جا تھا قصد شوق نے پہنچا دیا کدھر
کہتے نہ تھے ٹھگوں سے نہ لے رہ نما کا کام

قیوم نظر

بکھرے ہیں زندگی کے کچھ اس طرح تار و پود
ہر ذرہ اپنے آپ میں محشر نما ہوا

کیفی اعظمی

منزل سے وہ بھی دور تھا اور ہم بھی دور تھے
ہم نے بھی دھول اڑائی بہت رہ نما کے ساتھ

ناصر کاظمی

تری دھن میں کوسوں سفر کرنے والے
تجھے سنگِ منزل نما جانتے ہیں
کم نما ہم بھی ہیں مگر پیارے
کوئی تجھ سا نہ خود نما دیکھا
خامشی حاصلِ موسیقی ہے
نغمہ ہے نغمہ نما غور سے سن
بوٹا بوٹا نور کا زینہ
سایا سایا راہ نما تھا
یہ ٹھٹھری ہوئی لمبی راتیں کچھ پوچھتی ہیں
یہ خامشی آواز نما کچھ کہتی ہے