انے نقشِ کفِ پا کیا دیکھیں
باقی صدیقی
حسرت راہِ وفا کیا دیکھیں
انے نقشِ کفِ پا کیا دیکھیں
زندگی دل کا سکوں چاہتی ہے
رونقِ شہرِ سبا کیا دیکھیں
کھوکھلے قہقہے پھیکی باتیں
زیست کو زیست نما کیا دیکھیں
زخم آواز ہی آئنہ ہے
صورت نغمہ سرا کیا دیکھیں
قعر دریا کا تقاضا معلوم
ہم حبابوں کے سوا کیا دیکھیں
سانس کلیوں کا رکا جاتا ہے
شوخی موجِ صبا کیا دیکھیں
دل ہے دیوار، نظر ہے پردہ
دیکھنے والے بھلا کیا دیکھیں
ایک عالم ہے غبار آلودہ
جانے والے کی ادا کیا دیکھیں
زندگی بھاگ رہی ہے باقیؔ
شوق کو آبلہ پا کیا دیکھیں
فاعِلاتن فَعِلاتن فِعْلن
رمل مسدس مخبون محذوف مسکن