مرزا غالب

کیا وہ نمرود کی خدائی تھی؟
بندگی میں مرا بھلا نہ ہوا
کیا کس نے جگرداری کا دعویٰ؟
شکیبِ خاطرِ عاشق بھلا کیا

امام بخش ناسخ

ابھی خورشید جو چھپ جائے تو ذرات کہاں
تو ہی پنہاں ہو تو پھر کون بھلا پیدا ہو

داغ دہلوی

جو بھلے ہیں وہ بروں کو بھی بھلا کہتے ہیں
نہ برا سنتے ہیں اچھے نہ برا کہتے ہیں
سبق ایسا پڑھا دیا تو نے
دل سے سب کچھ بھلا دیا تو نے

شیخ ابراہیم ذوق

روزِ ازل سے زلفِ معنبر کا ہے اسیر
کیا اڑ کے تجھ سے طائر نکہت بھلا چلے
کیا تڑپنا دل بسمل کا بھلا لگتا ہے
کہ جب اچھلے ہے ترے سینے سے جا لگتا ہے
دیکھی کچھ دل کی کشش لیلیٰ کہ ناقے کو ترے
سوئے مجنوں آخرش رستہ بھلا کر لے گئی
چشم قاتل ہمیں کیونکر نہ بھلا یاد رہے
موت انسان کو لازم ہے سدا یاد رہے
دیکھ بھی لینا ہمیں راہ میں اور کیوں صاحب
ہم سے منہ پھیر کے جانا یہ بھلا یاد رہے
باز آ جائیں جفا سے جو کبھی آپ تو پھر
یاد عاشق کو نہ کیجے گا بھلا یاد رہے

مومن خان مومن

ہے یہ بندہ ہی بے وفا صاحب
غیر اور تم بھلے بھلا صاحب
تم کو خو ہو گئی برائی کی
درگزر کیجیے بھلا کب تک

فیض احمد فیض

بربادیِ دل جبر نہیں فیض کسی کا
وہ دشمنِ جاں ہے تو بھلا کیوں نہیں دیتے
کرو کج جبیں پہ سرِ کفن، مرے قاتلوں کو گماں نہ ہو
کہ غرورِ عشق کا بانکپن، پسِ مرگ ہم نے بھلا دیا

مرزا رفیع سودا

تم جن کی ثنا کرتے ہو کیا بات ہے ان کی
لیکن ٹک ادھر دیکھیو اے یار بھلا میں
سیر کی قدرت خالق کی بتاں میں سوداؔ
مشت بھر خاک میں جلوہ ہے بھلا کیا کیا کچھ

یگانہ چنگیزی

اسی میں دل اپنا بھلا جانتا ہے
کہ اک ناخدا کو خدا جانتا ہے

باقی صدیقی

چپ تو ہو جاتے ہیں لیکن باقیؔ
اس میں بھی اپنا بھلا ہے کہ نہیں
دل ہے دیوار، نظر ہے پردہ
دیکھنے والے بھلا کیا دیکھیں
اس قدر تلخ تھی روداد حیات
یاد آتے ہی بھلا دی ہم نے

جون ایلیا

ذکر بھی اس سے کیا بھلا میرا
اس سے رشتہ ہی کیا رہا میرا
تجھ سے مجھ کو نجات مل جائے
تو دعا کر کہ ہو بھلا میرا
ہجر کی نذر تو دینی ہے اسے
سوچتا ہوں کہ بھلا دوں اس کو
جونؔ مجھ کو جلا وطن کر کے
وہ مرے بن بھلا رہا مجھ میں
اس گمان گماں کے عالم میں
آخرش کیا بھلا چکا ہوں میں

خواجہ میر درد

غافل خدا کی یاد پہ مت بھول زینہار
اپنے تئیں بھلا دے اگر تو بھلا سکے

عبدالحمید عدم

کیوں آپ کی خوشی کو مرا غم کرے اداس
اک تلخ حادثہ ہوں بھلا دیجیے مجھے

قمر جلالوی

میخانے میں جب ہم سے فقیروں کو نہ پوچھا
یہ کہتے ہوئے چل دیے ساقی کا بھلا ہو
مجھے پھول صبر کر لیں مجھے باغباں بھلا دے
کہ قفس میں تنگ آ کر مرے اور ہیں ارادے

عرفان صدیقی

اے لہو میں تجھے مقتل سے کہاں لے جاؤں
اپنے منظر ہی میں ہر رنگ بھلا لگتا ہے

رئیس فروغؔ

لکھوں گا میں افسر سے لڑائی کا فسانہ
اپنا تو ہے اے جان برا ہے کہ بھلا ہے

احسان دانش

نہ سیو ہونٹ نہ خوابوں میں صدا دو ہم کو
مصلحت کا یہ تقاضا ہے بھلا دو ہم کو

اختر شیرانی

فکرِ فردا و غم دوش بھلا دے آ کر
پھر اسی ناز سے دیوانہ بنا دے آ کر
وہ کہتے ہیں رنجش کی باتیں بھلا دیں
محبت کریں خوش رہیں مسکرا دیں
جنہیں عمر بھر یاد آنا سکھایا
وہ دل سے تری یاد کیونکر بھلا دیں
ترے وصل کی بے خودی کہہ رہی ہے
خدائی تو کیا ہم خدا کو بھلا دیں

اسرار الحق مجاز

درد کی دولتِ بیدار عطا ہو ساقی
ہم بہی خواہ سبھی کے ہیں بھلا ہو ساقی

آنس معین

چپ رہنے کی ہر شخص قسم کھائے ہوئے ہے
ہم زہر بھرا جام بھلا دیں تو کسے دیں

بشیر بدر

ہزاروں بھیس میں پھرتے ہیں رام اور رحیم
کوئی ضروری نہیں ہے بھلا بھلا ہی لگے

سدرشن فاکر

اگر خود کو بھولے تو کچھ بھی نہ بھولے
کہ چاہت میں ان کی خدا کو بھلا دیں

غلام محمد قاصر

یاد اشکوں میں بہا دی ہم نے
آ کہ ہر بات بھلا دی ہم نے

احمد راہی

ایک لمحہ بھی گزر سکتا نہ ہو جس کے بغیر
کوئی اس شخص کو کس طرح بھلا دیتا ہے

ماجد صدیقی

یہ ٹھان لی ہے کہ دل سے تجھے بھلا دوں گا
اب اپنے آپ کو یوں عمر بھر سزا دوں گا

اختر امام رضوی

کیوں تکلف ہے مرے نام پہ تعزیروں کا
میں برا ہوں تو بھلا کیوں نہیں دیتے مجھ کو

حسرت موہانی

آہ وہ یاد کہ اس یاد کو ہو کر مجبور
دل مایوس نے مدت سے بھلا رکھا ہے
ہم تو کیا بھولتے انہیں حسرتؔ
دل سے وہ بھی ہمیں بھلا نہ سکے

حفیظ جالندھری

ہم ہی میں تھی نہ کوئی بات یاد نہ تم کو آ سکے
تم نے ہمیں بھلا دیا ہم نہ تمہیں بھلا سکے

فانی بدایونی

ہاں اہلِ دل کے حال سے غفلت محال ہے
اچھا یقیں نہیں تو مجھی کو بھلا کے دیکھ

احمد فراز

برسوں کے بعد دیکھا اک شخص دل ربا سا
اب ذہن میں نہیں ہے پر نام تھا بھلا سا
کوئی نامہ دلبرِ شہر کا کہ غزل گری کا بہانہ ہو
وہی حرفِ دل جسے مدتوں سے ہم اہلِ دل نے بھلا دیا
پیام آئے ہیں اس یار بے وفا کے مجھے
جسے قرار نہ آیا کہیں بھلا کے مجھے

قتیل شفائی

پیار دلار کے سائے سائے چلا کرو
جلتے لوگو کچھ تو اپنا بھلا کرو

کلیم عاجز

یہ غریب عاجزؔ بے وطن یہ غبارِ خاطر انجمن
یہ خراب جس کے لیے ہوا اسی بے وفا نے بھلا دیا
وہ جو شاعری کا سبب ہوا وہ معاملہ بھی عجب ہوا
میں غزل سناؤں ہوں اس لیے کہ زمانہ اس کو بھلا نہ دے
محبت کیا بلا ہے چین لینا ہی بھلا دے ہے
ذرا بھی آنکھ جھپکے ہے تو بیتابی جگا دے ہے

محسن احسان

اس فضا میں تو فرشتوں کے بھی پر جلتے ہیں
میں یہاں جرأت پرواز بھلا کیا کرتا

محسن نقوی

میں دل پہ جبر کروں گا تجھے بھلا دوں گا
مروں گا خود بھی تجھے بھی کڑی سزا دوں گا

ناصر کاظمی

وہ اس ادا سے جو آئے تو کیوں بھلا نہ لگے
ہزار بار ملو پھر بھی آشنا نہ لگے
ہے یہی عینِ وفا دل نہ کسی کا دکھا
اپنے بھلے کے لیے سب کا بھلا چاہیے
وہ درد ہی نہ رہا ورنہ اے متاعِ حیات
مجھے گماں بھی نہ تھا میں تجھے بھلا دوں گا