مرزا غالب

جان دی، دی ہوئی اسی کی تھی
حق تو یوں ہے کہ حق ادا نہ ہوا
بلائے جاں ہے غالب اس کی ہر بات
عبارت کیا، اشارت کیا، ادا کیا!
منصبِ شیفتگی کے کوئی قابل نہ رہا
ہوئی معزولی انداز و ادا میرے بعد
پرسشِ طرزِ دلبری کیجیے کیا؟ کہ بن کہے
اس کے ہر اک اشارے سے نکلے ہے یہ ادا کہ یوں
حسن میں حور سے بڑھ کر نہیں ہونے کی کبھی
آپ کا شیوہ و انداز و ادا اور سہی
دشمنی ہو چکی بہ قدرِ وفا
اب حقِ دوستی ادا کیجے
اے شہنشاہِ کواکب سپہ و مہرِ علم
تیرے اکرام کا حق کس سے ادا ہوتا ہے
شبنم بہ گلِ لالہ نہ خالی ز ادا ہے
داغِ دل بے درد، نظر گاہِ حیا ہے
خموشییوں میں تماشا ادا نکلتی ہے
نگاہ دل سے تری سرمہ سا نکلتی ہے
نہیں نگار کو الفت، نہ ہو، نگار تو ہے !
روانی روش و مستی ادا کہیے

انشاء اللہ خان انشا

دل میں مرے چٹکی لی ایسی ہے کہ درد اٹھا
معقول چے خوش اے واہ آپ اس کو ادا سمجھے

بہادر شاہ ظفر

جن کو محرابِ عبادت ہو خم ابروئے یار
ان کا کعبے میں کہو سجدہ ادا کیونکر ہوا

داغ دہلوی

ان سے سب اپنی اپنی کہتے ہیں
میرا مطلب ادا کرے کوئی
حسن کا حق نہیں رہتا باقی
ہر ادا میں وہ ادا کرتے ہیں
ڈرتے ہیں چشم و زلف و نگاہ و ادا سے ہم
ہر دم پناہ مانگتے ہیں ہر بلا سے ہم

شیخ ابراہیم ذوق

نگۂِ ناز اس کی عاشق سے
چھوٹ کس کس ادا سے لڑتی ہے

مصحفی غلام ہمدانی

ہوں سینۂِ عشاق میں سوزِ جگر و دل
اور دیدۂِ معشوقاں میں کیا ناز و ادا ہوں
ہائے تیکھی نگہ اس کافر کی
کیا کہوں میں جو ادا رکھتی ہے
سر اپنے کو تجھ پر فدا کر چکے ہم
حق آشنائی ادا کر چکے ہم
کیوں کہ کہیے کہ ادا بندی ہے
شاعری کیا ہے ہوا بندی ہے
مصحفیؔ شعر میں تو یاد ہمیں
زور صورت کی ادا بندی ہے
کبریائی کی ادا تجھ میں ہے
گرچہ تو بت ہے خدا تجھ میں ہے
شوخی و ناز و ادا تجھ میں ہے
یا یہ اک قہرِ خدا تجھ میں ہے

مصطفٰی خان شیفتہ

بچتے ہیں اس قدر جو ادھر کی ہوا سے ہم
واقف ہیں شیوۂِ دلِ شورش ادا سے ہم
عنانِ ضبط کوئی شیفتہ سے تھمتی ہے
کہ ہر کرشمہ ہے چالاک و ہر ادا گستاخ
لازم ہے بے وفا تجھے اہلِ وفا سے ربط
کیسا ہے دیکھ عکسِ ادا کو ادا سے ربط

مومن خان مومن

الٹے وہ شکوے کرتے ہیں اور کس ادا کے ساتھ
بے طاقتی کے طعنے ہیں عذر جفا کے ساتھ
یا رب وصالِ یار میں کیونکر ہو زندگی
نکلی ہی جان جاتی ہے ہر ہر ادا کے ساتھ
کہا ہے غیر نے تم سے مرا حال
کہے دیتی ہے بے باکی ادا کی
وہ بگڑنا وصل کی رات کا وہ نہ ماننا کسی بات کا
وہ نہیں نہیں کی ہر آن ادا تمہیں یاد ہو کہ نہ یاد ہو

فیض احمد فیض

یہاں دلبستگی، واں برہمی، کیا جانیے کیوں ہے ؟
نہ ہم اپنی نظر سمجھے نہ ہم ان کی ادا سمجھے
قرضِ نگاہِ یار ادا کر چکے ہیں ہم
سب کچھ نثار راہِ وفا کر چکے ہیں ہم

باقی صدیقی

غم کا باب وا ہوا
دل کا حق ادا ہوا
چمن میں شور بہت شوخی صبا کا تھا
وہ رنگِ گل تھا کہ شعلہ تری ادا کا تھا
آرزو کی ہے اس ادا کے ساتھ
حوصلہ بڑھ گیا سزا کے ساتھ
اپنے دعوے کو کیا غلط کہتے
تیری نفرت کو بھی ادا سمجھے
ایک عالم ہے غبار آلودہ
جانے والے کی ادا کیا دیکھیں
رنگِ محفل ہے ادا سے تیری
کوئی اٹھ جائے بلا سے تیری
دل قتیل ادا تھا پہلے بھی
کوئی ہم سے خفا تھا پہلے بھی

جون ایلیا

تو بھی کسی کے باب میں عہد شکن ہو غالباً
میں نے بھی ایک شخص کا قرض ادا نہیں کیا
یہی عطیۂ صبح شبِ وصال ہے کیا
کہ سحر ناز و ادا بھی نہیں رہا اب تو

جگر مراد آبادی

او مستِ نازِ حسن تجھے کچھ خبر بھی ہے
تجھ پر نثار ہوتے ہیں کس کس ادا سے ہم
کیا جانیے کیا ہو گیا ارباب جنوں کو
مرنے کی ادا یاد نہ جینے کی ادا یاد
کیا لطف کہ میں اپنا پتہ آپ بتاؤں
کیجے کوئی بھولی ہوئی خاص اپنی ادا یاد
عشق لا محدود جب تک رہنما ہوتا نہیں
زندگی سے زندگی کا حق ادا ہوتا نہیں
کیا قیامت ہے کہ اس دور ترقی میں جگرؔ
آدمی سے آدمی کا حق ادا ہوتا نہیں

سراج الدین ظفر

عشق میں اور حسن میں کوئی نہیں ہے امتیاز
یہ بھی مری ادا سمجھ وہ بھی مری ادا سمجھ

عبدالحمید عدم

کشتی چلا رہا ہے مگر کس ادا کے ساتھ
ہم بھی نہ ڈوب جائیں کہیں نا خدا کے ساتھ

عرفان صدیقی

جاں نذر دے کے نصرت آل عبا کریں
آؤ کہ اجر کار رسالت ادا کریں
جان فرشِ راہ کر دینے کی ساعت آئے گی
زندگی کا حق ادا ہو گا علیؑ آنے کو ہیں
ہم دل میں لکھ رہے ہیں حسابِ ستم گراں
کچھ دن میں سب کے قرض ادا ہونے والے ہیں
یہ تو صحرا ہے یہاں ٹھنڈی ہوا کب آئے گی
یار، تم کو سانس لینے کی ادا کب آئے گی
کچھ اور کہہ رہا ہوں غزل کے حوالے سے
مطلب سمجھیے ، طرزِ ادا پر نہ جائیے

مجید امجد

اس انجمن میں دیکھیے اہلِ وفا کے ظرف
کوئی اداشناس ہے کوئی اداشکار
میتوں کو لحد میں کلپائے
ہو سکے سجدہ اک ادا، یہ خیال

الطاف حسین حالی

تھا نہ استحقاق تحسیں پر سنی تحسیں سدا
حق ہے جود و ہمتی کا وہ ادا کرتا رہا

اختر شیرانی

ہیں نرگس و گل کس لیے مسحور تماشا
گلشن میں کوئی شوخ ادا کھیل رہی ہے

بشیر بدر

وہ سادگی نہ کرے کچھ بھی تو ادا ہی لگے
وہ بھول پن ہے کہ بے باکی بھی حیا ہی لگے

ظہیر کاشمیری

تقریب عشق ہے یہ دم واپسیں نہیں
تم جاؤ اپنا فرض تغافل ادا کرو
فرض برسوں کی عبادت کا ادا ہو جیسے
بت کو یوں پوج رہے ہیں کہ خدا ہو جیسے
نشاط ہجر کا خوگر بنا دیا ہوتا
جفائے یار سے اتنا بھی حق ادا نہ ہوا

علی سردار جعفری

ابھی اور تیز کر لے سر خنجر ادا کو
مرے خوں کی ہے ضرورت تری شوخی حنا کو

احمد راہی

جلنے والوں کے جگر ہیں دل ہیں
کھلنے والوں کی ادا ہیں یارو

جلیل مانک پوری

ابھی سے آفتِ جاں ہے ادا ادا تیری
یہ ابتدا ہے تو کیا ہو گی انتہا تیری
مری سمجھ میں یہ قاتل نہ آج تک آیا
کہ قتل کرتی ہے تلوار یا ادا تیری
ادا پہ ناز تو ہوتا ہے سب حسینوں کو
فضا کو ناز ہے جس پر وہ ہے ادا تیری

ثروت حسین

سفارت حد حیرانگی پہ ہوں مامور
نگار خانۂ حسن و ادا کو جاتا ہوں

حسرت موہانی

میرے عذر جرم پر مطلق نہ کیجے التفات
بلکہ پہلے سے بھی بڑھ کر کج ادا ہو جائیے

سلام مچھلی شہری

بن گئی ہے موت کتنی خوش ادا میرے لیے
سر جھکا کر پھول کرتے ہیں دعا میرے لیے

سیماب اکبر آبادی

منہ سے دعا نکل ہی گئی وقت قتل بھی
کہنا یہ تھا کہ حق محبت ادا ہوا

شاد عظیم آبادی

چست کمر کا کیا سبب تنگ قبا کی وجہ کیا
ہم تو ہیں آپ سر بکف ہم سے ادا کی وجہ کیا

شکیل بدایونی

وہ بات ان کی نگاہیں بتائے دیتی ہیں
جسے وہ اپنی زباں سے ادا نہیں کرتے
ہمارے مشرب میں تھی نہ جائز در حرم کی یہ جبہ سائی
یہ فرض نا خوش گوار لیکن اب ان کی خاطر ادا کریں گے
پھر اک گم کردہ راہِ زندگی کو مل گئی منزل
سجود شکر بے پایاں ادا کرنے کا وقت آیا
وہ آتے ہیں شکیلؔ اب اپنے دل سے ہاتھ دھو بیٹھو
نگاہِ ناز کی قیمت ادا کرنے کا وقت آیا

فانی بدایونی

اے شوق طلب بڑھ کر مجنون ادا ہو جا
اے ہمت مردانہ راضی بہ رضا ہو جا
لطف بیداد حیا غصہ تغافل شوخی
رنگ کیا کیا نہ تلون نے ادا کے بدلے

اختر ہوشیارپوری

بارش کا پہلا قطرہ ہی بستی ڈبو گیا
اب اپنی جاں کا قرض ادا کیا کرے کوئی

احمد فراز

یہ بھی اندازِ سخن ہے کہ جفا کو تیری
غمزہ و عشوہ و انداز و ادا کہتے ہیں
وہ نا دہند اگر تھا تو پھر تقاضا کیا
کہ دل تو لے گیا قیمت مگر ادا نہیں کی
قیس کو دوش نہ دو رکھیو نہ فرہاد کو نام
انہی لوگوں سے محبت کی ادا زندہ تھی
آداب خرابات کا کیا ذکر یہاں تو
رندوں کو بہکنے کی ادا تک نہیں آئی

امیر مینائی

تیغِ قاتل پہ ادا لوٹ گئی
رقصِ بسمل پہ قضا لوٹ گئی

شاذ تمکنت

وہ کیا ادا تھی کہ لہلوٹ ہو گئے تم شاذؔ
غضب کیا اسی جان ادا سے کچھ نہ کہا
زندگی ہم سے ترے ناز اٹھائے نہ گئے
سانس لینے کی فقط رسم ادا کرتے تھے
رقص پروانہ کی گردش جو تھمے آخرِ شب
اہلِ محفل کے لیے یہ بھی ادا ٹھہرے گی

فراق گورکھپوری

بے تکلف بھی ترا حسنِ خود آرا تھا کبھی
اک ادا اور بھی تھی حسنِ ادا سے پہلے

قتیل شفائی

ستم کے بعد کرم کی ادا بھی خوب رہی
جفا تو خیر جفا تھی وفا بھی خوب رہی
ہمارے ہاتھ سے آتی ہے بوئے پیراہن
ہمارے حسنِ طلب کی ادا بھی خوب رہی

کلیم عاجز

ہر چوٹ پہ پوچھے ہے بتا یاد رہے گی
ہم کو یہ زمانے کی ادا یاد رہے گی

کیفی اعظمی

ایسا لگا غریبی کی ریکھا سے ہوں بلند
پوچھا کسی نے حال کچھ ایسی ادا کے ساتھ

محبوب خزاں

دکھ بہت ہیں زندگی میں کیا کریں گے ہم
وہ جو تیرا فرض تھا ادا کریں گے ہم
اب روح کانپتی ہے اجل ہے قریب تر
اے ہم نصیب ناز و ادا کم بہت ہی کم

مجروح سلطان پوری

حالِ دل مجھ سے نہ پوچھو مری نظریں دیکھو
رازِ دل کے تو نگاہوں سے ادا ہوتے ہیں
اسے بھی کیوں نہ پھر اپنے دل زبوں کی طرح
خراب کاکل و آوارۂ ادا کہیے

ناصر کاظمی

آہ پھر نغمہ بنا چاہتی ہے
خامشی طرزِ ادا چاہتی ہے
جہاں میں یوں تو کسے چین ہے مگر پیارے
یہ تیرے پھول سے چہرے پہ کیوں اداسی ہے
چہکتے بولتے شہروں کو کیا ہوا ناصر
کہ دن کو بھی مرے گھر میں وہی اداسی ہے
بے غرض کون دل گنواتا ہے
تیری قیمت ادا ہمیں سے ہوئی