مرزا غالب

میں ہوں مشتاقِ جفا، مجھ پہ جفا اور سہی
تم ہو بیداد سے خوش، اس سے سوا اور سہی
رکھیو غالب مجھے اس تلخ نوائی میں معاف
آج کچھ درد مرے دل میں سوا ہوتا ہے

بہادر شاہ ظفر

دیا اپنی خودی کو جو ہم نے اٹھا وہ جو پردہ سا بیچ میں تھا نہ رہا
رہے پردے میں اب نہ وہ پردہ نشیں کوئی دوسرا اس کے سوا نہ رہا

داغ دہلوی

جس قدر میں نے تجھ سے خواہش کی
اس سے مجھ کو سوا دیا تو نے

شیخ ابراہیم ذوق

دل لگانے کا مزا ہے کہ گزک میں اس کے
سب کبابوں سے نمک دل پہ سوا لگتا ہے
یاد اس وعدہ فراموش نے غیروں سے بدی
یاد کچھ کم تو نہ تھی اور سوا یاد رہے

مصحفی غلام ہمدانی

درد و غم کو بھی ہے نصیبا شرط
یہ بھی قسمت سوا نہیں ملتا

مومن خان مومن

چارۂِ دل سوائے صبر نہیں
سو تمہارے سوا نہیں ہوتا

فیض احمد فیض

اب احتیاط کی کوئی صورت نہیں رہی
قاتل سے رسم و راہ سوا کر چکے ہیں ہم

یگانہ چنگیزی

یگانہؔ تو ہی جانے اپنی حقیقت
تجھے کون تیرے سوا جانتا ہے
یاس و حرماں آہ سوزاں اشکِ خوں داغ جنوں
حضرت عشق اور کیا اس کے سوا دینے لگے

باقی صدیقی

باقیؔ ان سے مل کے درد
اور بھی سوا ہوا
دل انوکھا چراغ ہے باقیؔ
بجھ کے بھی روشنی سوا ہو گی
کیا بتاؤں کہ مدعا کیا ہے
دل ترے درد کے سوا کیا ہے
دل انوکھا چراغ ہے باقیؔ
جب بجھے روشنی سوا ہو جائے
قعر دریا کا تقاضا معلوم
ہم حبابوں کے سوا کیا دیکھیں

جون ایلیا

یقین کر جو تری آرزو میں تھا پہلے
وہ لطف تیرے سوا بھی نہیں رہا اب تو

جگر مراد آبادی

دنیا کے ستم یاد نہ اپنی ہی وفا یاد
اب مجھ کو نہیں کچھ بھی محبت کے سوا یاد
جب کوئی حسیں ہوتا ہے سرگرم نوازش
اس وقت وہ کچھ اور بھی آتے ہیں سوا یاد

عرفان صدیقی

اس شاہ بے کساں پہ دل و روح و جاں نثار
مقدور ہو تو نذر کچھ اس سے سوا کریں
یاد آتا ہے کئی دوستیوں سے بھی سوا
اک تعلق جو تکلف کے سواِ کچھ بھی نہ تھا
نیازِ عشق بھی حد سے سوا نہ ہونے پائے
جبیں اٹھا، کہ یہ بندہ خدا نہ ہونے پائے

الطاف حسین حالی

جس قدر جھک جھک کے ملتے ہیں بزرگ و خورد سے
کبر و ناز اتنا ہی اپنے میں سوا پاتے ہیں ہم

رئیس فروغؔ

دھوپ ہے اور بہت ہے لیکن
چھاؤں اس سے بھی سوا ہے مجھ میں
تم سے جب گفتگو تھی تو اک ہم سخن
کوئی جیسے تمہارے سوا بھی رہا
وہی افسانۂ مشہور سنانا لیکن
جان پر کھیل کے اک حرف سوا کہہ دینا

احسان دانش

دنیا تمہیں عزیز ہے میرے سوا مگر
عالم ہے نا پسند تمہارے سوا مجھے
اہلِ وفا میں موت کی تلخی کو سر بسر
قنداب زندگی سے سوا کر دیا گیا

بشیر بدر

سوچا نہیں اچھا برا دیکھا سنا کچھ بھی نہیں
مانگا خدا سے رات دن تیرے سوا کچھ بھی نہیں

بیخود بدایونی

یہ دل سے دور ہو نہ دکھائے خدا وہ دن
ظالم ترا خیال ہے دل سے سوا مجھے

ضیا جالندھری

نہیں ملے تھے تو تنہائی کس قدر تھی ضیاؔ
وہ مل کے بچھڑے تو اس سے سوا ہے تنہائی

عبید اللہ علیم

چھونے میں یہ ڈر کہ مر نہ جاؤں
چھو لوں تو وہ زندگی سوا دے
جھانکا ہے میں نے خلوتِ جاں میں نگار جاں
کوئی نہیں ہے کوئی نہیں ہے ترے سوا

غلام محمد قاصر

رات اس کے سامنے میرے سوا بھی میں ہی تھا
سب سے پہلے میں گیا تھا دوسرا بھی میں ہی تھا

احمد راہی

تنگ ہے وسعت صحرائے‌ جنوں
ولولے دل کے سوا ہیں یارو

حسرت موہانی

آپ کا شوق بھی تو اب دل میں
آپ کی یاد کے سوا نہ رہا
ہیچ ہم سمجھے دو عالم کو تو حیرت کیا ہے
رتبے عشاق کے اس سے بھی سوا ہوتے ہیں

شکیل بدایونی

وہ خود نظر آتے ہیں جفاؤں پہ پشیماں
کیا چاہیے اب تم کو شکیلؔ اس کے سوا اور
اللٰہ رے ستم کہ انہیں مجھ کو دیکھ کر
سب کچھ محبتوں کے سوا یاد آ گیا
سر بھی ہے پائے یار بھی شوق سوا کو کیا ہوا
جرأت دل کدھر گئی لغزشِ پا کو کیا ہوا

فانی بدایونی

یہ دردِ محبت بھی کیا شے ہے معاذ اللہ
میں دردِ محبت سے کہتا ہوں سوا ہو جا
جب پرسشِ حال وہ فرماتے ہیں جانیے کیا ہو جاتا ہے
کچھ یوں بھی زباں نہیں کھلتی کچھ درد سوا ہو جاتا ہے

احمد فراز

یہ محرومی نہیں پاسِ وفا ہے
کوئی تیرے سوا دیکھا نہ جائے

اقبال ساجد

دنیا نے زر کے واسطے کیا کچھ نہیں کیا
اور ہم نے شاعری کے سواِ کچھ نہیں کیا
پچھلے برس بھی بوئی تھیں لفظوں کی کھیتیاں
اب کے برس بھی اس کے سواِ کچھ نہیں کیا

قتیل شفائی

راستے یاد نہیں راہنما یاد نہیں
اب مجھے کچھ تری گلیوں کے سوا یاد نہیں

کلیم عاجز

تلخیاں اس میں بہت کچھ ہیں مزا کچھ بھی نہیں
زندگی دردِ محبت کے سواِ کچھ بھی نہیں
وہی آہیں وہی آنسو کے دو قطرے عاجزؔ
کیا تری شاعری میں ان کے سواِ کچھ بھی نہیں

ناصر کاظمی

قفس کو چمن سے سوا جانتے ہیں
ہر اک سانس کو ہم صبا جانتے ہیں
جب کوئی غم نہیں ہوتا ناصر
بے کلی دل کی سوا ہوتی ہے
یہ کیا کہ ایک طور سے گزرے تمام عمر
جی چاہتا ہے اب کوئی تیرے سوا بھی ہو
آرزو ہے کہ میرا قصہِ شوق
آج میرے سوا کہے کوئی