مرزا غالب

کچھ تو پڑھئے کہ لوگ کہتے ہیں
آج غالب غزل سرا نہ ہوا!
خامہ میرا کہ وہ ہے باربدِ بزمِ سخن
شاہ کی مدح میں یوں نغمہ سرا ہوتا ہے

امام بخش ناسخ

نہ سر زلف ملا بل بے درازی تیری
رشتۂِ طولِ امل کا بھی سرا پیدا ہو
کیا درباں نے سنگ آستانہ
درِ دولت سرا ہے اور میں ہوں

انشاء اللہ خان انشا

صاحب نے نہ کی یاری وحشت سے پری سے تو
اے شیخ جنوں تم کو ہم خواجہ سرا سمجھے

حیدر علی آتش

فراقِ یار میں رہتا ہے یوں تصور گور
خیال جیسے مسافر کا ہو سرا کی طرف
وعدۂِ صادق تو عزرائیل سے ہے دیکھیے
اس سرے سے مجھ کو کب تک اس سرا لے جائے گا

مصطفٰی خان شیفتہ

اٹھ صبح ہوئی مرغِ چمن نغمۂِ سرا دیکھ
نورِ سحر و حسنِ گل و لطف ہوا دیکھ
دو چار فرشتوں پہ بلا آئے گی نا حق
اے غیرت ناہید نہ ہو نغمہ سرا دیکھ

باقی صدیقی

زخم آواز ہی آئنہ ہے
صورت نغمہ سرا کیا دیکھیں

عرفان صدیقی

پل بھر میں سیم تاب تو پل بھر میں لالہ رنگ
وہ دشت اک طلسم سرا کے سوا نہ تھا
شہر ہو میں ایک ویرانی کا لشکر صف بہ صف
ہر طرف تاراج بازار و سرا کرتا تھا رات
گلی میں ختم ہوا قافلے کا شور‘ مگر
مسافروں کی صدائیں سرا میں زندہ ہیں

ادا جعفری

وہ لمحہ کہ خاموشی شب نغمہ سرا تھی
کانوں پہ گراں دل کے دھڑکنے کی صدا تھی

عبید اللہ علیم

پہچان لو ہمیں کہ تمہاری صدا ہیں ہم
سن لو کہ پھر نہ آئیں گے ہم سے غزل سرا
ہوائے رنگ دو عالم میں جاگتی ہوئی لے
علیمؔ ہی کہیں نغمہ سرا سا لگتا ہے

فارغ بخاری

قاتل کو دعائیں دو کہ فارغؔ
ہر زخمِ وفا غزل سرا ہے

ثروت حسین

یہ کون اترا پئے گشت اپنی مسند سے
اور انتظام مکان و سرا بدلنے لگا
اسی کنارۂ حیرت سرا کو جاتا ہوں
میں اک سوار ہوں کوہ ندا کو جاتا ہوں

حسرت موہانی

ہو کے بے خود کلام حسرتؔ سے
آج غالبؔ غزل سرا نہ ہوا
اہلِ دل سنتے ہیں اک سازِ محبت کی نوا
ہم تری یاد میں جب نغمہ سرا ہوتے ہیں

شکیل بدایونی

کل تو بحد شکوہ تھیں عشق کی بدگمانیاں
اب نہ ندامتیں ہیں کیوں شکوہ سرا کو کیا ہوا

اختر ہوشیارپوری

دل دھڑکتا ہے سر شام کہ گزرے گا ابھی
وادئ شب سے کوئی نغمہ سرا آوارہ

ناصر کاظمی

برگِ آوارہ بھی اک مطرب ہے
طائرِ نغمہ سرا غور سے سن
دل کا یہ حال ہوا تیرے بعد
جیسے ویران سرا ہوتی ہے
خوب ہیں گل پھول بھی تیرے چمن میں مگر
صحنِ چمن میں کوئی نغمہ سرا چاہیے
مہمان ہیں ہم مہمان سرا ہے یہ نگری
مہمانوں کو مہمان سرا کچھ کہتی ہے