مصحفی غلام ہمدانی

مہندی کے لگانے میں پھرتی یہ نہیں دیکھی
ظالم نے ہتھیلی پر سرسوں سی جما لی ہے

باقی صدیقی

ٹوٹ کر دل ہے اس طرح خاموش
ہم نے گویا مراد پا لی ہے

جون ایلیا

زبانہ زن تھا جگر سوز تشنگی کا عذاب
سو جوف سینہ میں دوزخ انڈیل لی میں نے

عرفان صدیقی

لشکرِ عشق نے جب سے خیمے کیے کچھ نہ کچھ روز سرحد بڑھا لی گئی
اور پھر ایک دن دل کی ساری زمیں درد کی مملکت میں ملا لی گئی
ایک چڑیا کی آواز آتی رہی میرے بچوں کو مجھ سے چھڑایا گیا
میری بستی سے مجھ کو نکالا گیا میرے جنگل میں بستی بسا لی گئی
سارے منظر غبار پسِ کارواں ہو گئے بام و در سب دھواں ہو گئے
اب مناجات کا وقت ہے گھر چلو سیر کی جاچکی خاک اڑا لی گئی
جب اسے سکہ زر جان کے پھیلایا ہاتھ
جانے کس شخص نے مٹھی میں چھپا لی دنیا
لے گئے سارے دیے اگلے زمانوں کے بزرگ
خیر، ہم لوگوں نے طاقوں میں سجا لی دنیا

ماجد صدیقی

ہم نے تو درد سے بھی آنکھ لڑا لی یارو
پھر بھی امید کی آغوش ہے خالی یارو

جلیل مانک پوری

کبھی ہم بھی تڑپ میں بجلی تھے
اب تو کروٹ بھی لی نہیں جاتی

حسرت موہانی

چین سے محوِ خواب ناز میں وہ
بیکلی ہم نے دیکھ لی دل کی

خاطر غزنوی

ان آنکھوں نے لوٹ کے بھی
اپنے اوپر بات نہ لی

شاد عظیم آبادی

عدم کا تھا سفر جب اور کچھ توشہ نہ ہاتھ آیا
بہت سی آرزو چلتے چلاتے ساتھ لے لی ہے
کبھی جمنے نہ دیتی بے خودی خاطر پہ نقش ان کا
بہ مشکل میں نے یہ تصویر اسی عیار سے لی ہے

قابل اجمیری

زمانے کی شکایت کیا زمانہ کس کی سنتا ہے
مگر تم نے تو آواز جنوں پہچان لی ہوتی

محسن احسان

منافقت نے لہو تن میں اتنا گرمایا
کہ گفتگو میں ریا کاریاں سجا لی ہیں
ہمارے دل ہیں اب آماج گاہ حرص و ہوس
کہ ہم نے سینوں میں تاریکیاں اگا لی ہیں
کسی غریب اپاہج فقیر کی محسنؔ
کسی امیر نے بیساکھیاں چرا لی ہیں

ناصر کاظمی

تو بتا کیا تجھے ثواب ملا
خیر میں نے تو رات کاٹ ہی لی