مصحفی غلام ہمدانی

کس واسطے بیٹھا ہے چپ اتنا تو اے ہم دم
کیا میں ہی کوئی نوحہ بنیاد کروں روؤں

مومن خان مومن

نالہ اک دم میں اڑا ڈالے دھوئیں
چرخ کیا اور چرخ کی بنیاد کیا

جون ایلیا

تم میری اک خود مستی ہو میں ہوں تمہاری خود بینی
رشتے میں اک عشق کے ہم تم دونوں بے بنیاد ہوئے
کہاں ہم اور کہاں حسن سرِ بام
ہمیں بنیاد فرمایا گیا ہے
ہم کو انفاس کی اپنے ہے عمارت کرنی
اس عمارت کی لبوں پر ترے بنیاد رکھیں
روکار سے تو اپنی میں لگتا ہوں پائیدار
بنیاد رہ گئی پئے بنیاد کچھ کروں

عرفان صدیقی

اس بلندی سے تجھے چاہے میں دکھلائی نہ دوں
پھر بھی کچھ ربط تو دیوار کا بنیاد سے ہے

تلوک چند محروم

اس میں اے معمار ہستی مصلحت تھی کون سی
ایسا قصر خوش نما اور ریت کی بنیاد پر

حفیظ جالندھری

داد خواہی کے لیے اور تو ساماں نہ ملا
نالہ و آہ پہ رکھنی پڑی بنیاد مجھے
مضحکہ آؤ اڑائیں عشق بے بنیاد کا
اک جدا مدفن بنائیں تیشۂ فرہاد کا
جہاں بھی نشے میں قدم لڑکھڑائیں
وہیں ایک مسجد کی بنیاد رکھنا

شکیل بدایونی

سعی ضبطِ غم بیداد کیے جاتا ہوں
پختہ تر عشق کی بنیاد کیے جاتا ہوں