مرزا غالب

نفس نہ انجمن آرزو سے باہر کھینچ
اگر شراب نہیں انتظارِ ساغر کھینچ
تری طرف ہے بہ حسرت نظارۂِ نرگس
بہ کوری دل و چشمِ رقیب ساغر کھینچ
ہر چند ہو مشاہدۂِ حق کی گفتگو
بنتی نہیں ہے بادہ و ساغر کہے بغیر
کیوں گردشِ مدام سے گبھرا نہ جائے دل
انسان ہوں پیالہ و ساغر نہیں ہوں میں
پرِ پروانہ شاید بادبان کشتی مے تھا
ہوئی مجلس کی گرمی سے روانی دورِ ساغر کی

بہادر شاہ ظفر

ظفرؔ اپنا کرشمہ گر دکھایا چشمِ ساقی نے
تماشے جامِ جم کے سب نظر ساغر میں آویں گے

داغ دہلوی

مجھ سے مے کش کو کہاں صبر، کہاں کی توبہ
لے لیا دوڑ کے جب سامنے ساغر آیا

مصطفٰی خان شیفتہ

آنکھ پھرنے سے تیری، مجھ کو ہوا
گردشِ دہر دورِ ساغر کا

خواجہ میر درد

ساقیا یاں لگ رہا ہے چل چلاؤ
جب تلک بس چل سکے ساغر چلے

مجید امجد

بڑے شوق سے پی، مگر پی کے مت گر
ہتھیلی پہ ہے تیری ساغر سنبھل جا

مصطفی زیدی

کسی موسم کی فقیروں کو ضرورت نہ رہی
آگ بھی ابر بھی طوفان بھی ساغر سے اٹھا

الطاف حسین حالی

پیاس تیری بوئے ساغر سے لذیذ
بلکہ جام آبِ کوثر سے لذیذ

بہزاد لکھنوی

باقی ہیں بعد توبہ بھی رندی کے ولولے
دل میں خیال بادہ ہے ساغر نظر میں ہے

حسرت موہانی

نہ چھیڑ اے ہم نشیں کیفیت صہبا کے افسانے
شراب بے خودی کے مجھ کو ساغر یاد آتے ہیں

حفیظ ہوشیارپوری

آہ یہ عقدۂ غم بزمِ طرب میں بھی حفیظؔ
بارہا آنکھ چھلک جاتی ہے ساغر بن کے

رسا چغتائی

ہاتھ میں خنجر آ سکتا ہے
یا پھر ساغر آ سکتا ہے

شاد عظیم آبادی

کیا کہوں احوال اٹھتی بزم کا
پہلے مینا بعد کو ساغر گیا

احمد فراز

کس چاہت سے زہر تمنا مانگا تھا
اور اب ہاتھوں میں ساغر افسوس کا ہے

امیر مینائی

چھکے رہتے ہیں‌ مے سے جوش پر ہے رحمتِ ساقی
ہمارے میکدے میں غیب سے ساغر برستے ہیں