مرزا غالب

حریف مطلب مشکل نہیں فسون نیاز
دعا قبول ہو یا رب کہ عمرِ خضر دراز
تو ہوا جلوہ گر، مبارک ہو!
ریزش سجدۂِ جبینِ نیاز

داغ دہلوی

ساز یہ کینہ ساز کیا جانیں
ناز والے نیاز کیا جانیں

شیخ ابراہیم ذوق

اس سنگ آستاں پہ جبینِ نیاز ہے
وہ اپنی جانماز ہے اور یہ نماز ہے

مصحفی غلام ہمدانی

اے مصحفیؔ ہیں دو چیز اب یادگار دوراں
اس سے تو ناز کرنا مجھ سے نیاز کرنا

فیض احمد فیض

حسن مرہون جوش بادۂ ناز
عشق منت کش فسون نیاز
دل رہین نیاز ہو جائے
بے کسی کارساز ہو جائے

احسان دانش

ہنگامۂ خودی سے تو بے نیاز ہو جا
گم ہو کے بے خودی میں آگاہ راز ہو جا
غیرت کی چلمنوں سے آواز آ رہی ہے
محو نیاز مندی آ بے نیاز ہو جا

اسرار الحق مجاز

عیش سے بے نیاز ہیں ہم لوگ
بے خود سوز و ساز ہیں ہم لوگ
کوئی اس راز سے نہیں واقف
کیوں سراپا نیاز ہیں ہم لوگ

عبید اللہ علیم

خواب سرائے ذات میں زندہ ایک تو صورت ایسی ہے
جیسے کوئی دیوی بیٹھی ہو حجرۂ راز و نیاز میں چپ

فانی بدایونی

تیری ناز آفرینیاں ہیں گواہ
کہ سراپا نیاز ہیں ہم لوگ

شاذ تمکنت

شب و روز جیسے ٹھہر گئے کوئی ناز ہے نہ نیاز ہے
ترے ہجر میں یہ پتا چلا مری عمر کتنی دراز ہے

ناصر کاظمی

یہ بے سبب نہیں شام و سحر کے ہنگامے
اٹھا رہا ہے کوئی پردہ ہائے راز و نیاز