میر مہدی مجروح

ہم اپنا جو قصہ سنانے لگے
وہ بولے کہ پھر سر پھرانے لگے

فیض احمد فیض

جو دل سے کہا ہے ، جو دل سے سنا ہے
سب ان کو سنانے کے دن آ رہے ہیں

باقی صدیقی

شفق کی آگ کہانی کوئی سنانے لگی
کسی کے خونکی بو راستوں سے آنے لگی

عرفان صدیقی

ابھرتے ڈوبتے منظر میں کس کی روشنیاں
کلامِ حق سر نیزہ سنانے والا کون

الطاف حسین حالی

تم کو کرنا پڑے گا عذر جفا
ہم اگر دردِ دل سنانے لگے

ماجد صدیقی

وہ سن کے زخم بھی ماجدؔ ترے کریدیں گے
جنہیں چلا ہے حکایات غم سنانے کو

شکیل بدایونی

نصیب در پہ ترے آزمانے آیا ہوں
تجھی کو تیری کہانی سنانے آیا ہوں
جو نغمے سوئے ہوئے ہیں ترے خیالوں میں
انہیں کو آج میں گا کر سنانے آیا ہوں

احمد فراز

کہا تھا کس نے تجھے آبرو گنوانے جا
فراز اور اسے حالِ دل سنانے جا
تیری باتیں ہی سنانے آئے
دوست بھی دل ہی دکھانے آئے
ایسی کچھ چپ سی لگی ہے جیسے
ہم تجھے حال سنانے آئے

شاذ تمکنت

حرفِ نا گفتہ کی روداد لیے پھرتے ہیں
پہلے کہتے تھے غزل ان کو سنانے کے لیے
میں تو چپ تھا مگر اس نے بھی سنانے نہ دیا
غمِ دنیا کا کوئی ذکر تک آنے نہ دیا

فراق گورکھپوری

پھواریں سی نغموں کی پڑتی ہوں جیسے
کچھ اس لب کے سننے سنانے کی راتیں

کلیم عاجز

اب کے جو وہ آ جائے تو عاجزؔ اسے لے کر
محفل میں غزل اپنی سنانے کے لیے آ

میرا جی

خوشیاں آئیں اچھا آئیں مجھ کو کیا احساس نہیں
سدھ بدھ ساری بھول گیا ہوں دکھ کے گیت سنانے میں