فیض احمد فیض

نہ جانے کس لیے امیدوار بیٹھا ہوں
اک ایسی راہ پہ جو تیری رہگزر بھی نہیں
سیکھی یہیں مرے دل کافر نے بندگی
رب کریم ہے تو تری رہگزر میں ہے

باقی صدیقی

دل کو جب تیری رہگزر جانا
دور کا غم قریب تر جانا
منزل کی خبر نہ رہگزر کی
کیسی صورت ہے یہ سفر کی
ہم ذرے ہیں خاک رہگزر کے
دیکھو ہمیں بام سے اتر کے
منزل کے رہے نہ رہگزر کے
اللہ رے حادثے سفر کے
وائے ہنگامہ جیسے کچھ بھی نہیں
کارواں شور رہگزر کے سوا

جگر مراد آبادی

رہرو راہِ طلب کو خضر کی حاجت نہیں
ذرہ ذرہ ہے چراغِ رہگزر میرے لیے

قمر جلالوی

کوسوں دکھائی دیتی نہیں رہگزر مجھے
لے جا رہی ہے آج یہ وحشت کدھر مجھے
تہمتیں ہیں مجھ پہ گمرآ ہی کی گستاخی معاف
خضر سا رہبر تمہاری رہگزر سمجھا نہیں

آنس معین

مرے ہی دم سے تو رونقیں تیرے شہر میں تھیں
مرے ہی قدموں نے دشت کو رہگزر کیا ہے

شان الحق حقی

وزیر و میر کے کیا گوش بے اثر سے خطاب
مرادِ دل کی گدایان رہگزر سے کہہ

شکیل بدایونی

واللہ تجھ سے ترکِ تعلق کے بعد بھی
اکثر گزر گئے ہیں تری رہگزر سے ہم

اختر ہوشیارپوری

کیا پوچھتے ہو مجھ سے کہ میں کس نگر کا تھا
جلتا ہوا چراغ مری رہگزر کا تھا

احمد فراز

ہمیں تھے جو ترے آنے تلک جلے ورنہ
سبھی چراغ سرِ رہگزر نہ تھے ایسے
یہ حال ہے کہ کئی راستے ہیں پیشِ نظر
مگر خیال تری رہگزر کو جاتا ہے

ناصر کاظمی

دل میں آؤ عجیب گھر ہے یہ
عمرِ رفتہ کی رہگزر ہے یہ
یوں ترے راستے میں بیٹھا ہوں
جیسے اک شمعِ رہگزر خاموش