فیض احمد فیض

لحاظ میں کوئی کچھ دور ساتھ چلتا ہے
وگرنہ دہر میں اب خضر کا بھرم کیا ہے

باقی صدیقی

کرتے پھرتے ہیں تمہاری باتیں
یوں بھی ہم اپنا بھرم رکھتے ہیں
کوئی سمجھے تو زمانے کا بھرم ہیں ہم لوگ
ورنہ اک قافلہ ملکِ عدم ہیں ہم لوگ
زندگی تلخ ہوئی جاتی ہے
کھو نہ دیں اپنا بھرم دیوانے

شکیب جلالی

پرِ پرواز پہ یہ راز کھلا
پستیوں سے تھا بلندی کا بھرم

عرفان صدیقی

ان سے ترک آرزو کو اک زمانہ ہو گیا
پھر بھی قائم عاشقی کا یہ بھرم ہے دوستو

شکیل بدایونی

بے کسی سے مرنے مرنے کا بھرم رہ جائے گا
وہ ضرور آئیں گے جب آنکھوں میں دم رہ جائے گا

شاذ تمکنت

تو جفا پیشہ ہے کس منہ سے کہوں دنیا سے
اپنی چاہت کے بھرم نے مجھے جینے نہ دیا

فراق گورکھپوری

کہتے ہو دہر کو بھرم
مجھ کو تو یہ بھرم نہیں

قتیل شفائی

افلاک سے پلکوں پہ اتر آئیں گے تارے
کھل کر بھی شبِ غم کا بھرم ساتھ رہے گا