مرزا غالب

مجھ کو دیارِ غیر میں مارا، وطن سے دور
رکھ لی مرے خدا نے مری بے کسی کی شرم

انشاء اللہ خان انشا

میں دلائی قسم تو کہنے لگے
ہم نہیں مانتے کسی کی قسم

داغ دہلوی

اتنا ہی تو بس کسر ہے تم میں
کہنا نہیں مانتے کسی کا
اب دل ہے مقام بے کسی کا
یوں گھر نہ تباہ ہو کسی کا
لیتے نہیں بزم میں مرا نام
کہتے ہیں خیال ہے کسی کا
اتنا ہی تو بس کسر ہے تم میں
کہنا نہیں مانتے کسی کا
کس کس کو مزا ہے عاشقی کا
تم نام تو لو بھلا کسی کا
تم کو کیا ہر کسی سے ملنا تھا
دل ملا کر مجھی سے ملنا تھا
جو ہو سکتا ہے اس سے وہ کسی سے ہو نہیں سکتا
مگر دیکھو تو پھر کچھ آدمی سے ہو نہیں سکتا
محبت میں کرے کیا کچھ کسی سے ہو نہیں سکتا
مرا مرنا بھی تو میری خوشی سے ہو نہیں سکتا
مرا دشمن بظاہر چار دن کو دوست ہے تیرا
کسی کا ہو رہے یہ ہر کسی سے ہو نہیں سکتا
چمن میں ناز بلبل نے کیا جو اپنی نالے پر
چٹک کر غنچہ بولا کیا کسی سے ہو نہیں سکتا

مصحفی غلام ہمدانی

جی سے مجھے چاہ ہے کسی کی
کیا جانے کوئی کسی کی جی کی
دل میں ہے اس کے مدعی کا عشق
خاک سمجھے ہے وہ کسی کا عشق
جو پری بھی روبرو ہو تو پری کو میں نہ دیکھوں
مری آنکھیں بند کر دو کہ کسی کو میں نہ دیکھوں

مومن خان مومن

ٹھانی تھی دل میں اب نہ ملیں گے کسی سے ہم
پر کیا کریں کہ ہو گئے ناچار جی سے ہم
ہنستے جو دیکھتے ہیں کسی کو کسی سے ہم
منہ دیکھ دیکھ روتے ہیں کس بے کسی سے ہم
نے تاب ہجر میں ہے نہ آرام وصل میں
کم بخت دل کو چین نہیں ہے کسی طرح

باقی صدیقی

غم کا احساس مٹ گیا شاید
اب الجھتے نہیں کسی سے ہم

جون ایلیا

کیوں نہ ہو ناز اس ذہانت پر
ایک میں ہر کسی کو بھول گیا
اب تو ہر بات یاد رہتی ہے
غالباً میں کسی کو بھول گیا
روٹھا تھا تجھ سے یعنی خود اپنی خوشی سے میں
پھر اس کے بعد جان نہ روٹھا کسی سے میں

جگر مراد آبادی

آدمی آدمی سے ملتا ہے
دل مگر کم کسی سے ملتا ہے

قمر جلالوی

برباد طور بھی ہے موسیٰؑ ہیں بے خودی میں
بس اے ظہورِ جلوہ اب دم نہیں کسی میں
کوئی اتنا نہیں ہے آ کے جو دو پھول رکھ جائے
قمر تربت پر بیٹھی رو رہی ہے بے کسی میری

مجید امجد

کیا روپ دوستی کا؟ کیا رنگ دشمنی کا؟
کوئی نہیں جہاں میں کوئی نہیں کسی کا

مصطفی زیدی

یوں تو وہ ہر کسی سے ملتی ہے
ہم سے اپنی خوشی سے ملتی ہے

احسان دانش

دل کی رغبت ہے جب آپ ہی کی طرف
کس لیے آنکھ اٹھتی کسی کی طرف
کیسی الجھن ہے بازی گہہ شوق میں
ہم ہیں ان کی طرف وہ کسی کی طرف

ضیا جالندھری

کیا سروکار اب کسی سے مجھے
واسطہ تھا تو تھا تجھی سے مجھے

اختر امام رضوی

تم راستے کی گرد نہ ہو جاؤ تو کہو
دو چار گام چل کے تو دیکھو کسی کے ساتھ

جلیل مانک پوری

منہ پھیر کے یوں چلی جوانی
یاد آ گیا روٹھنا کسی کا
چل جائے گا کام کچھ کسی کا
منہ مڑ نہ گیا اگر چھری کا
ہم کہتے تھے جوڑے میں نہیں پھول
آخر نکلا وہ دل کسی کا
اٹھلا اٹھلا کے ان کو چلنا
مٹ جائے بلا سے دل کسی کا

احمد فراز

ایک کو دوسرے سے سہل نہ جان
ہر کوئی ہر کسی سے مشکل ہے

فراق گورکھپوری

کرنے کو ہیں دور آج تو تو یہ روگ ہی جی سے
اب رکھیں گے ہم پیار نہ تم سے نہ کسی سے

قتیل شفائی

کبھی نہ سوچا تھا ہم نے قتیلؔ اس کے لیے
کرے گا ہم پہ ستم وہ بھی ہر کسی کی طرح

کیفی اعظمی

جو وہ مرے نہ رہے میں بھی کب کسی کا رہا
بچھڑ کے ان سے سلیقہ نہ زندگی کا رہا
گزرنے کو تو ہزاروں ہی قافلے گزرے
زمیں پہ نقشِ قدم بس کسی کسی کا رہا

محبوب خزاں

محبت پر نہ بھولو محبت بے کسی ہے
سکون سرو و سنبل سب اپنی سادگی ہے
فرازِ عشق نشیب جہاں سے پہلے تھا
کسی سے کھیل چکے ہیں کسی سے کھیلتے ہیں

ناصر کاظمی

پھول سے ناچتے ہیں ہونٹوں پر
جیسے سچ مچ کسی کو چوم لیا

نوح ناروی

تذکرہ ہی وفا کا سنتا ہوں
یہ کسی میں ہے یا کسی میں نہیں