مرزا غالب

اسدؔ شکوہ کفرِ دعا ناسپاسی
ہجومِ تمنا سے ناچار ہیں ہم
تھک تھک کے ہر مقام پہ دو چار رہ گئے
تیرا پتہ نہ پائیں تو ناچار کیا کریں؟
آگ سے پانی میں بجھتے وقت اٹھتی ہے صدا
ہر کوئی در ماندگی میں نالے سے ناچار ہے

انشاء اللہ خان انشا

بسان نقش پائے رہرواں کوئے تمنا میں
نہیں اٹھنے کی طاقت کیا کریں ناچار بیٹھے ہیں

حیدر علی آتش

کسی صورت سے نہیں جاں کو فرار اے آتشؔ
تپشِ دل مجھے ناچار لیے پھرتی ہے

داغ دہلوی

نہ جاؤ حالِ دلِ زار دیکھتے جاؤ
کہ جی نہ چاہے تو ناچار دیکھتے جاؤ

مصحفی غلام ہمدانی

مرتے تو چھوٹ جاتے رنج و محن سے یاں کے
مانند خضر ہم ہیں ناچار زندگی سے
جوں نقشِ قدم بیٹھنے کی جا نہیں ملتی
اس کوچے میں ہم اس لیے ناچار کھڑے ہیں
پرواز کا جو شوق ہے بلبل کے مشت پر
کنجِ قفس میں اڑتے ہیں ناچار ہر طرف
کل وعدہ گاہ میں جب وہ بے وفا نہ آیا
اکتا کے اٹھ گئے ہم ناچار بیٹھے بیٹھے

مصطفٰیٰ خان شیفتہ

جاتے ہیں اور منع کی طاقت نہیں، مگر
رہ جائیں آپ وہ مجھے ناچار دیکھ کر

مرزا رفیع سودا

کہتے تھے ہم نہ دیکھ سکیں روز ہجر کو
پر جو خدا دکھائے سو ناچار دیکھنا

قمر جلالوی

پھونک ڈالا برق نے گھر بلبلِ ناچار کا
پتہ پتہ ہاتھ ملتا رہ گیا گلزار کا
بڑھ تو جاؤ خون بھی کرنا کسی ناچار کا
تم تو اتنے بھی نہیں جتنا ہے قد تلوار کا
آگ تھی یا خونِ شہ رگ تھا کسی ناچار کا
عید بھی کل ہو گئی آیا نہ قاصد یار کا

شکیب جلالی

ہم سے ٹکرا گئی خود بڑھ کے اندھیرے کی چٹان
ہم سنبھل کر جو بہت چلتے تھے ‘ ناچار گرے

عرفان صدیقی

عرضِ وفا تو فرض ہے ناچار کرتے ہیں
فریاد ہم بہت پسِ دیوار کرتے ہیں