مرزا غالب

لاکھوں لگاؤ ایک چرانا نگاہ کا
لاکھوں بناؤ ایک بگڑنا عتاب میں
نہ پوچھ حال اس انداز اس عتاب کے ساتھ
لبوں پہ جان بھی آ جائے گی جواب کے ساتھ

انشاء اللہ خان انشا

مل گئے پر حجاب باقی ہے
فکر ناز و عتاب باقی ہے

بہادر شاہ ظفر

ہو نہ بیتاب اتنا گر اس کا عتاب آ جائے گا
تو غضب میں اے دلِ خانہ خراب آ جائے گا

شیخ ابراہیم ذوق

بلا سے کم نہ ہو گریہ سے میرا سوزِ جگر
بجھا پر ان کی ذرا آتش عتاب تو دے
سنتے ہیں اس کو چھیڑ چھیڑ کے ہم
کس مزے سے عتاب کی باتیں

مصحفی غلام ہمدانی

قہاری کی شان جب سے تیری
عالم کے اوپر عتاب میں ہے
جو مر گئے مارے لطف ہی کے
پھر ان پہ میاں عتاب کیا ہے
اک وضع نہیں مزاج معشوق
گہہ لطف و گہے عتاب دیکھا

مومن خان مومن

ہے منتوں کا وقت شکایت رہی رہی
آئے تو ہیں منانے کو وہ پر عتاب میں

مرزا رفیع سودا

بھولا ہے وہ دل سے لطف اس کا
سوداؔ نے یہ جب عتاب دیکھا

جگر مراد آبادی

آؤ مل جاؤ مسکرا کے گلے
ہو چکا جو عتاب ہونا تھا
وہ مری عرض شوق بے حد پر
کچھ حیا کچھ عتاب کا عالم

اسرار الحق مجاز

برباد تمنا پہ عتاب اور زیادہ
ہاں میری محبت کا جواب اور زیادہ
جنوں بھی حد سے سوا شوق بھی ہے حد سے سوا
یہ بات کیا ہے کہ میں مورد عتاب نہیں

جلیل مانک پوری

ہمیں تو دور سے آنکھیں دکھائی جاتی ہیں
نقاب لپٹی ہے اس پر کوئی عتاب نہیں
غضب تھا ان کا تلون کہ چار ہی دن میں
نگاہِ لطف نگاہِ عتاب ہو کے رہی

جوش ملیح آبادی

ملا جو موقع تو روک دوں گا جلالؔ روز حساب تیرا
پڑھوں گا رحمت کا وہ قصیدہ کہ ہنس پڑے گا عتاب تیرا
میں رو رہا ہوں تیری نظر ہے عتاب کی
شبنم کو پی رہی ہے کرن آفتاب کی

شکیل بدایونی

اس چھیڑ پہ زندگی تصدق
بے وجہ عتاب چاہتا ہوں

فانی بدایونی

کس طرف جوش کرم تیری نگاہیں اٹھیں
کون محشر میں سزاوار عتاب آتا ہے

امیر مینائی

وہ بیٹھے بیٹھے جو دے بیٹھے قتلِ عام کا حکم
ہنسی تھی ان کی کسی پر کوئی عتاب نہ تھا

فراق گورکھپوری

ثواب خلدِ بریں کیا عذاب دوزخ کیا
ترے خطاب کی ٹھنڈک ترے عتاب کی آنچ