مرزا غالب

بہ رہن شرم ہے با وصفِ شوخی اہتمام اس کا
نگیں میں جوں شرارِ سنگ نا پیدا ہے نام اس کا

داغ دہلوی

نہ پوچھ گچھ تھی کسی کی وہاں نہ آؤ بھگت
تمہاری بزم میں کل اہتمام کس کا تھا

جگر مراد آبادی

عشق کی سادگی تو ایک طرف
شوق کے اہتمام نے مارا

اسرار الحق مجاز

ساقی گلفام باصد اہتمام آ ہی گیا
نغمہ بر لب خم بہ سر بادہ بہ جام آ ہی گیا

زہرا نگاہ

اہلِ خرد سست رو اہلِ جنوں تیز گام
شوق کا یہ اہتمام دیکھیے کب تک رہے

ماجد صدیقی

حصول منزل ایقاں کا اہتمام کریں
گزر رہی ہے جو ساعت اسے امام کریں

شکیل بدایونی

تری انجمن میں ظالم عجب اہتمام دیکھا
کہیں زندگی کی بارش کہیں قتلِ عام دیکھا

مجروح سلطان پوری

اب اہلِ درد یہ جینے کا اہتمام کریں
اسے بھلا کے غمِ زندگی کا نام کریں

ناصر کاظمی

تم آ گئے ہو تو کیوں انتظارِ شام کریں
کہو تو کیوں نہ ابھی سے کچھ اہتمام کریں