ہم پہ تقاضا حرام دیکھیے کب تک رہے
زہرا نگاہ
گردش مینا و جام دیکھیے کب تک رہے
ہم پہ تقاضا حرام دیکھیے کب تک رہے
تیرا ستم ہم پہ عام دیکھیے کب تک رہے
تلخی دوراں پہ نام دیکھیے کب تک رہے
چھا گئیں تاریکیاں کھو گیا حسنِ نظر
وعدۂ دیدار عام دیکھیے کب تک رہے
اہلِ خرد سست رو اہلِ جنوں تیز گام
شوق کا یہ اہتمام دیکھیے کب تک رہے
صبح کے سورج کی ضو دیکھیے کب تک نہ آئے
دہر پہ یہ رنگ شام دیکھیے کب تک رہے
مفتَعِلن فاعِلن مفتَعِلن فاعِلن
منسرح مثمن مطوی مکسوف