مرزا غالب

دل آشفتگاں خالِ کنجِ دہن کے
سویدا میں سیرِ عدم دیکھتے ہیں

انشاء اللہ خان انشا

ہے ذاتِ حق جواہر و اغراض سے بری
تشبیہ کیا ہے اس کو وجود و عدم کے ساتھ
عین مستی میں ہمیں دید فنا ہے انشاؔ
آنکھ جب موندتے ہیں سیرِ عدم کرتے ہیں
آنکھ کو کہتے عرب عین ہیں سو عین اگر
دم پر آ جائے تو ہو عین عدم یا معبود
اس ہستی موہوم سے میں تنگ ہوں انشاؔ
واللہ کہ اس سے بہ مراتب عدم اچھا

حیدر علی آتش

ہر اک جوہر میں اس کا نقش پائے رفتگاں سمجھا
دمِ شمشیر قاتل جادۂِ راہِ عدم پایا

مصحفی غلام ہمدانی

گر دیدۂِ غور سے تو دیکھے
ہستی جسے کہتے ہیں عدم ہے
ایک عالم نے کیا ہے سفر ملکِ عدم
ہم بھی جاویں گے اگر سوئے عدم کیا ہو گا

مومن خان مومن

جہان تنگ و ہجوم وحشت غرض کہ دم پر بری بنی تھی
کہاں میں جاتا نہ جی ٹھہرتا کہیں جو دشت عدم نہ ہوتا

باقی صدیقی

کوئی سمجھے تو زمانے کا بھرم ہیں ہم لوگ
ورنہ اک قافلہ ملکِ عدم ہیں ہم لوگ

عرفان صدیقی

نہ کوئی حشر زمیں کے علاوہ اٹھتا ہے
نہ میں ہی سر پس خوابِ عدم اٹھاتا ہوں