جون ایلیا

کون سا قافلہ ہے یہ جس کے جرس کا ہے یہ شور
میں تو نڈھال ہو گیا ہم تو نڈھال ہو گئے
وہ شوخ رمیدہ مجھ کو اپنی
بانہوں میں نڈھال چاہیے تھا
تازہ دم جسم و جاں تھے فرقت میں
وصل اس کا نڈھال چھوڑ گیا

رئیس فروغؔ

فضا اداس ہے سورج بھی کچھ نڈھال سا ہے
یہ شام ہے کہ کوئی فرش پائمال سا ہے
بانہوں میں سمٹ کے حسن ترا
کچھ دیر نڈھال بھی رہے گا

ماجد صدیقی

ہو نہ محتاج پرسشِ احوال
یوں تو ہو گا یہ جی کچھ اور نڈھال

رسا چغتائی

روز جانا اداس گلیوں میں
روز خود کو نڈھال کر رکھنا

سیف الدین سیف

جی درد سے ہے نڈھال اپنا
کس کس کو سنائیں حال اپنا

فانی بدایونی

کیا چھپاتے کسی سے حال اپنا
جی ہی جب ہو گیا نڈھال اپنا