مرزا غالب

ذکر میرا بہ بدی بھی، اسے منظور نہیں
غیر کی بات بگڑ جائے تو کچھ دور نہیں
شاہد ہستی مطلق کی کمر ہے عالم
لوگ کہتے ہیں کہ ’ ہے ‘ پر ہمیں منظور نہیں

انشاء اللہ خان انشا

تھا شخص جو گردن زدنی اس سے یہ بولے
اب دیجیے ہے دینی جو منظور کی گردن

مصحفی غلام ہمدانی

کچھ اپنی جو حرمت تجھے منظور ہو اے شیخ
تو بحث نہ مے خواروں سے چل دور ہو اے شیخ

خواجہ میر درد

دردؔ کے ملنے سے اے یار برا کیوں مانا
اس کو کچھ اور سوا دید کے منظور نہ تھا

قمر جلالوی

کیوں روٹھ کے مجھ سے کہتے ہو ملنا تجھ سے منظور نہیں
تم خود ہی منانے آؤ گے سرکار وہ دن بھی دور نہیں

عرفان صدیقی

کیا کیا طور اسے آتے ہیں دل کو شکیبا رکھنے کے
لغزش پہ ناراض نہ ہو اور خواہش نا منظور کرے

اسرار الحق مجاز

خاطر اہلِ نظر حسن کو منظور نہیں
اس میں کچھ تیری خطا دیدۂ مہجور نہیں
جرأت عرض پہ وہ کچھ نہیں کہتے لیکن
ہر ادا سے یہ ٹپکتا ہے کہ منظور نہیں
دیکھ سکتا ہوں جو آنکھوں سے وہ کافی ہے مجازؔ
اہل عرفاں کی نوازش مجھے منظور نہیں

بشیر بدر

کچھ پھل ضرور آئیں گے روٹی کے پیڑ میں
جس دن مرا مطالبہ منظور ہو گیا

ضیا جالندھری

راستے تیرہ سہی سینے تو بے نور نہیں
آنکھ جو دیکھ رہی ہے ہمیں منظور نہیں

ماجد صدیقی

شاخ ہی سوکھی تو پھر جھڑنے سے کیا انکار تھا
کیا کہیں آخر یہ صورت کس طرح منظور کی

شکیل بدایونی

رنج و مصیبت جور و ستم
آپ کی خاطر سب منظور
بس اک ترکِ محبت کے ارادے
ہمیں منظور ہوتے جا رہے ہیں

فانی بدایونی

امید کے وعدوں سے جی کچھ تو بہلتا تھا
اب یہ بھی ترے غم کو منظور نہیں ہوتے

مجروح سلطان پوری

تقدیر کا شکوہ بے معنی جینا ہی تجھے منظور نہیں
آپ اپنا مقدر بن نہ سکے اتنا تو کوئی مجبور نہیں

ناصر کاظمی

کوشش لازم ہے پیارے
آگے جو اس کو منظور