جگر مراد آبادی

نگاہوں میں بہار جاؤداں ہے
جہاں میں ہوں وہیں اب آشیاں ہے
اگر تو ہے تو اے جان دو عالم
یہاں ہر شے جواں جاؤداں ہے

مجید امجد

کٹی ہے عمر بہاروں کے سوگ میں امجد
مری لحد پہ کھلیں جاؤداں گلاب کے پھول

الطاف حسین حالی

جنت میں تو نہیں اگر یہ زخمِ تیغ عشق
بدلیں گے تجھ کو زندگی جاؤداں سے ہم

تلوک چند محروم

اس چند روزہ زیست سے جان ہے عذاب میں
کیوں کر کٹے جو زندگی جاؤداں ملے
کفر و دیں میں اتحاد جاؤداں پیدا کریں
نالۂ ناقوس سے بانگ اذاں پیدا کریں

حفیظ جالندھری

پیا آب بقا اے خضر اب تاثیر بھی دیکھو
قیامت تک رہو پابند عمرِ جاؤداں ہو کر
حیاتِ جاؤداں والے نے مارا
زباں دے کر زباں والے نے مارا

حفیظ ہوشیارپوری

گر اس کا سلسلہ بھی عمرِ جاؤداں سے ملے
کسی کو خاک سکوں مرگِ ناگہاں سے ملے

فانی بدایونی

تو نے کرم کیا تو بہ عنوان رنج زیست
غم بھی مجھے دیا تو غمِ جاؤداں نہ تھا

قابل اجمیری

جانے کس عالم میں آئیں آنے والے قافلے
سایۂ دیوار جاناں جاؤداں کرتے چلو

مجروح سلطان پوری

دہر میں مجروحؔ کوئی جاؤداں مضموں کہاں
میں جسے چھوتا گیا وہ جاؤداں بنتا گیا