مرزا غالب

میں جو کہتا ہوں کہ ہم لیں گے قیامت میں تمھیں
کس رعونت سے وہ کہتے ہیں کہ ’’ہم حور نہیں‘‘
اک خونچکاں کفن میں کروڑوں بناؤ ہیں
پڑتی ہے آنکھ تیرے شہیدوں پہ حور کی

امام بخش ناسخ

ایسی تعریف کی کہ اے واعظ
عاشق حور کر دیا ہم کو

انشاء اللہ خان انشا

توڑوں گا خم بادۂِ انگور کی گردن
رکھ دوں گا وہاں کاٹ کے اک حور کی گردن

مصحفی غلام ہمدانی

ہم ہیں ترے بندے میرے صاحب
گو شیخ کو دیوے حور اللہ
کیا حور کی باتوں سے لبھاوے ہے تو مجھ کو
حاشا کہ مجھے آرزوئے حور ہو اے شیخ

قمر جلالوی

آزاد ہیں ہم تو اے زاہد ارمان و تمنا کیا جانیں
جنت کا تصور کون کرے جب دل میں خیالِ حور نہیں