مرزا غالب

تمہیں کہو کہ گزارا صنم پرستوں کا
بتوں کی ہو اگر ایسی ہی خو تو کیوں کر ہو
نہ شعلے میں یہ کرشمہ نہ برق میں یہ ادا
کوئی بتاؤ کہ وہ شوخِ تند خو کیا ہے

حیدر علی آتش

عاشق ہوں مگر کرتے ہیں معشوق خوشامد
نازک ہے طبیعت مری بیمار کی خو سے
لکھ دیتے ہیں حسینوں کو ہم خط بندگی
مشقِ ستم کو ترک جو یہ تند خو کریں

شیخ ابراہیم ذوق

تجھ کو دشمن واں شرارت سے جو بھڑکاتے ہے روز
چاہتے ہیں اور شر اے شوخ آتش خو بڑھے

مصحفی غلام ہمدانی

چٹکیاں لیتے ہو جب پاس مرے بیٹھو ہو
آپ نے زور نکالی ہے یہ خو اور سنو
کوئی اور تو کب مجھ کو لبھا سکتا ہے لیکن
ڈرتا ہوں تصور سے ترے خو نہ کروں میں

مصطفٰی خان شیفتہ

پھر بھی کہو گے چھیڑنے کی اپنی خو نہیں
عطرِ سہاگ ملتے ہو وہ جس میں بو نہیں
گستاخِ شکوہ کیا ہوں کہ اندازِ عرض پر
کہتے ہیں اختلاط کی بندے کی خو نہیں

مرزا رفیع سودا

دل لے کے تجھ سے برق کے شعلے کو دیجیے
پر ہے یہ ڈر کہ اس کی بھی ایسی ہی خو نہ ہو
خدا کے واسطے آ درگزر گنہ سے مرے
نہ ہو گا پھر کبھو اے تند خو ہوا سو ہوا

جون ایلیا

ہیں یہی جونؔ ایلیا جو کبھی
سخت مغرور بھی تھے بد خو بھی

خواجہ میر درد

خدا جانے کیا ہو گا انجام اس کا
میں بے صبر اتنا ہوں وہ تند خو ہے

قمر جلالوی

حقیقت جب تجھے معلوم اے دیوانہ خو ہو گی
جب ان کی جستجو کے بعد اپنی جستجو ہو گی

مجید امجد

ہنستا ہوں پی کے ساغرِ زہراب زندگی
میں کیا کروں کہ مجھ کو تڑپنے کی خو نہیں

مصطفی زیدی

اپنی آنکھوں سے لگاتی ہیں زمانے کے قدم
شہر کی راہ گزاروں میں مری خو آئی

ادا جعفری

وہی خانہ بدوش امیدیں
وہی بے صبر دل کی خو ہے ابھی
وراثتوں کے ہاتھ میں جو اک کتاب تھی ملی
کتاب میں جو حرف ہے ستارہ خو ملا نہیں

بیخود بدایونی

شکوہ سن کر جو مزاج بت بد خو بدلا
ہم نے بھی ساتھ ہی تقریر کا پہلو بدلا

شاد عظیم آبادی

کہوں کیا دل کی میں نازک مزاجی
خدا بخشے نہایت تند خو تھا

اکبر حمیدی

کہا تھا اس نے محبت کی آبرو رکھنا
چبھے ہوں کتنے بھی کانٹے گلوں کی خو رکھنا

احمد فراز

ہمی فراز سزاوار سنگ کیوں ٹھرے
کہ اور بھی تو ہیں دیوانہ خو ہماری طرح

اقبال ساجد

بگولہ بن کے سمندر میں خاک اڑانا تھی
کہ لہر لہر مجھے تند خو بھی ہونا تھا

محسن احسان

جس کے کمال طنز سے شہر سراپا زخم ہے
اس کو سبھی شکایتیں محسنؔ قند خو سے ہیں

ناصر کاظمی

جسے ڈھونڈتا ہوں گلی گلی وہ ہے میرے جیسا ہی آدمی
مگر آدمی کے لباس میں وہ فرشتہ خو کوئی اور ہے