مرزا غالب

غلط نہ تھا ہمیں خط پر گماں تسلی کا
نہ مانے دیدۂِ دیدار جو، تو کیوں کر ہو
صد حیف وہ نا کام کہ اک عمر سے غالب
حسرت میں رہے ایک بتِ عربدہ جو کی
جلاد سے ڈرتے ہیں نہ واعظ سے جھگڑتے
ہم سمجھے ہوئے ہیں اسے جس بھیس میں جو آئے

امام بخش ناسخ

قمریاں دیوانی ہیں کیونکر گلے میں ہو نہ طوق
باغ میں اک سرو مثل قامت دل جو نہیں

حیدر علی آتش

گلزار جہاں پر نہ پڑی آنکھ ہماری
کوتاہ تھی عمر اپنی حباب لبِ جو سے

داغ دہلوی

کیا لطف انتظار جو تو حیلہ جو نہ ہو
کس کام کا وصال اگر آرزو نہ ہو

شیخ ابراہیم ذوق

قد دل جو کو تمہارے نہیں دیکھا شاید
سرکشی اتنی جو سرو لبِ جو کرتے ہیں
صدمۂِ غم سے ترے جوں گلِ بازی افسوس
سارے اعضا مرے اے عربدہ جو ٹوٹ گئے
گلشن عشق میں اللہ ہے کیا کثرت بار
بن ہوا کتنے ہی نخل لبِ جو ٹوٹ گئے

مصحفی غلام ہمدانی

سیراب آبِ جو سے قدح اور قدح سے ہم
سر خوش گلوں کی بو سے قدح اور قدح سے ہم
وہ تفرقہ پڑا کہ بہت دور رہ گیا
دست پیالہ جو سے قدح اور قدح سے ہم
یہ ادا دیکھ کے کتنوں کا ہوا کام تمام
نیمچہ کل جو ٹک اس عربدہ جو کا نکلا
اے مصحفیؔ ہے عہد کہ جب تک نہ وہ گل ہو
گلگشت گل و سیر لبِ جو نہ کروں میں
ہم اپنا دین و ایماں پہلے اس کو نذر کرتے ہیں
ہمارے سامنے اس شکل سے آتا ہے جو کافر

مصطفٰی خان شیفتہ

کب ہاتھ کو خیالِ جزائے رفو نہیں
کب پارہ پارہ پیرہنِ چارہ جو نہیں

مرزا رفیع سودا

جو گزری مجھ پہ مت اس سے کہو ہوا سو ہوا
بلا کشانِ محبت پہ جو ہوا سو ہوا
نہ کچھ ضرر ہوا شمشیر کا نہ ہاتھوں کا
مرے ہی سر پہ اے جلاد جو ہوا سو ہوا

یگانہ چنگیزی

بہانہ چاہتی تھی موت بس نہ تھا اپنا
کہ میزبانی مہمان حیلہ جو کرتے

باقی صدیقی

وقت منہ دیکھ رہا ہے سب کا
کوئی غافل کوئی حالہ جو ہے

جون ایلیا

ہائے وہ اس کا موج خیز بدن
میں تو پیاسا رہا لبِ جو بھی
کج ادا تھی بہت امید مگر
ہم بھی جونؔ ایک حیلہ جو ٹھہرے

عرفان صدیقی

صدائے شام سر آب جو ہے کتنی دیر
یہ بازگشت بھی اے دشتِ ہو ہے کتنی دیر
اسی کمال کی کرتے تھے آرزو ہم لوگ
بجھے چراغ تو ٹھہرے ستارہ جو ہم لوگ
ندائے کوہ بہت کھینچتی ہے اپنی طرف
مرے ہی لہجے میں وہ حیلہ جو پکارتا ہے

مجید امجد

عمروں کے اس معمورے میں ہے کوئی ایسا دن بھی جو
روح میں ابھرے ، پھاند کے سورج کے سیال سمندر کو