مرزا غالب

غمِ دنیا سے گر پائی بھی فرصت سر اٹھانے کی
فلک کا دیکھنا تقریب تیرے یاد آنے کی
لکد کوب حوادث کا تحمل کر نہیں سکتی
مری طاقت کہ ضامن تھی بتوں کے ناز اٹھانے کی

مصحفی غلام ہمدانی

ہو جاویں گے پامال گزر جاویں گے جی سے
پر سر ترے قدموں سے اٹھانے کے نہیں ہم

مومن خان مومن

سن کے وصف اس پہ مر گیا ہمدم
خوب آیا تھا غم اٹھانے کو
کوئی دن ہم جہاں میں بیٹھے ہیں
آسماں کے ستم اٹھانے کو

میر مہدی مجروح

کہا تھا اٹھا پردۂِ شرم کو
وہ الٹا ہمیں کو اٹھانے لگے
مجھے آتے دیکھا جوں ہی دور سے
قدم وار جلدی اٹھانے لگے
اٹھے وہ تو اک حشر برپا کیا
جو بیٹھے تو فتنہ اٹھانے لگے

باقی صدیقی

اب تو ہوتا ہے ہر قدم پہ گماں
ہم یہ کیسا قدم اٹھانے لگے

جون ایلیا

سر شب اک نئی تمثیل بپا ہونی ہے
اور ہم پردہ اٹھانے کے لیے نکلے ہیں

قمر جلالوی

اے زمانے بھر کو خوشیاں دینے والے یہ بتا
کیا قمر ہی رہ گیا ہے غم اٹھانے کے لیے

فارغ بخاری

رنگ در رنگ حجابات اٹھانے ہوں گے
بے محابا ہمیں سب جلوے دکھانے ہوں گے

شاد عظیم آبادی

ہو کے خوش ناز ہم ایسوں کے اٹھانے والا
کوئی باقی نہ رہا اگلے زمانے والا

شکیل بدایونی

اگر غم اٹھانا تھا قسمت میں اپنی
خوشی کیوں ملی غم اٹھانے سے پہلے

احمد فراز

عشق تنہا ہے سرِ منزلِ غم
کون یہ بوجھ اٹھانے آئے
اب فرازؔ آؤ چلیں اپنے قبیلے کی طرف
شاعری ترک کریں بوجھ اٹھانے لگ جائیں

شاذ تمکنت

سن مجھے غور سے سن نغمۂ نا پیدا ہوں
کوئی آمادہ نہیں ساز اٹھانے کے لیے
کوئی تصویر سرِ آب اٹھاتا ہے بھلا
اب ہمیں ڈھونڈتے کیا ہو کہ اٹھانے سے گئے

فراق گورکھپوری

اسی کی شرح ہے یہ اٹھتے درد کا عالم
جو داستاں تھی نہاں تیرے آنکھ اٹھانے میں

ناصر کاظمی

یہ آپ ہم تو بوجھ ہیں زمین کا
زمیں کا بوجھ اٹھانے والے کیا ہوئے

نوح ناروی

نوحؔ محبت کی دنیا میں
ہے طوفان اٹھانے والا