مرزا غالب

ہوئے ہیں پاؤں ہی پہلے نبردِ عشق میں زخمی
نہ بھاگا جائے ہے مجھ سے ، نہ ٹھہرا جائے ہے مجھ سے
سایہ میرا مجھ سے مثلِ دود بھاگے ہے اسدؔ
پاس مجھ آتش بجاں کے کس سے ٹھہرا جائے ہے

مصحفی غلام ہمدانی

دن کو زنہار ٹھہرتے نہیں ہم اس کو میں
رات کو ملنے کی ٹھہرا کے چلے آتے ہیں

باقی صدیقی

کتنی سنسان ہے راہِ ہستی
نہ چلا جائے نہ ٹھہرا جائے
دشتِ دل سے تو صبا بن کے اگر گزرے تو میں
قطرہ بن کے نوکِ خار زیست پھر ٹھہرا رہوں
آ گیا ہر رنگ اپنا سامنے
کارواں اک آ کے ٹھہرا سامنے

شکیب جلالی

بوجھ لمحوں کا ہر اک سر پہ اٹھائے گزرا
کوئی اس شہر میں سستانے کو ٹھہرا ہی نہیں

عرفان صدیقی

دل کی زمیں تک روشنیاں تھیں، چہرے تھے ، ہریالی تھی
اب تو جہاں بھی ساحل پانا کشتی کو ٹھہرا دینا

رئیس فروغؔ

آج کی رات کوئی بیراگن کسی سے آنسو بدلے گی
بہتے دریا اڑتے بادل جہاں بھی ہوں ٹھہرا دینا

زہرا نگاہ

رات گہری تھی پھر بھی سویرا سا تھا
ایک چہرہ کہ آنکھوں میں ٹھہرا سا تھا

اختر ہوشیارپوری

گھر پلٹ آنے میں عافیت جاں ہے یارو
جب ہوا تیز چلے راہ میں ٹھہرا نہ کرو
آرزو عمر گریزاں تو نہیں تم تو نہیں
یہ سرکتا ہوا لمحہ کہیں ٹھہرا ہوتا
آنگنوں میں پھول تھے مہکے ہوئے
کھڑکیوں میں چاند تھا ٹھہرا ہوا

محسن احسان

جھلس گئی ہے ہوائے دیار‌ درد مجھے
بس ایک پل کے لیے شہر غم میں ٹھہرا ہوں