مرزا غالب

خستگی کا تم سے کیا شکوہ کہ یہ
ہتھکنڈے ہیں چرخِ نیلی فام کے

امام بخش ناسخ

جی لیتی ہے وہ زلفِ سیہ فام ہمارا
بجھتا ہے چراغ آج سرِ شام ہمارا

بہادر شاہ ظفر

صبح ہوتی ہی نہیں اور نہیں کٹتی رات
رخ پہ کھولے وہ کہیں زلفِ سیاہ فام نہ ہو

حیدر علی آتش

کون سی شام نہیں صبح ہوئی اے مغرور
ایک دن ہوتی ہے یہ زلفِ سیہ فام سفید

مصحفی غلام ہمدانی

جس نے عالم کیا ہے زیر و زبر
یہ خط مشک فام ہے تیرا

مصطفٰی خان شیفتہ

قبر پر وہ بتِ گل فام آیا
بارے مرنا تو مرے کام آیا
جلد منگواؤ شرابِ گل رنگ
شیفتہ ساقیِ گل فام آیا
برق آئینۂِ فرصتِ گلزار ہے اس پر
آئینہ نہ دیکھے کوئی گل فام، نہ ہو گا

مومن خان مومن

بخت سپید آئنہ داری کرے تو میں
دکھلاؤں دل کے جور اس آئینہ فام کو

فیض احمد فیض

پیو کہ مفت لگا دی ہے خونِ دل کی کشید
گراں ہے اب کے مئے لالہ فام کہتے ہیں

سراج الدین ظفر

اور کھل جا کہ معارف کی گزر گاہوں میں
پیچ اے زلفِ سیہ فام ابھی باقی ہیں
اور کھل جا کہ معارف کی گزر گاہوں میں
پیچ اے زلفِ سیہ فام ابھی باقی ہیں

عبدالحمید عدم

رخ ہے پر نور تو تعجب کیا
بادۂ لالہ فام پیتا ہوں

مجید امجد

شفق کے رنگ آنکھوں میں، سحر کی اوس پلکوں پر
نہ آئے پھر بھی لب پر چرخِ نیلی فام کے شکوے