مرزا غالب

عہد میں تیرے کہاں گرمی ہنگامۂِ عیش
گل میری قسمت واژونہ پہ خنداں ہوں گے

امام بخش ناسخ

چمکنا برق کا لازم پڑا ہے ابر باراں میں
تصور چاہیے رونے میں اس کے روئے خنداں کا
تہہ شمشیر قاتل کس قدر بشاش تھا ناسخؔ
کہ عالم ہر دہانِ زخم پر ہے روئے خنداں کا

انشاء اللہ خان انشا

یہ نگہ یہ منہ یہ رنگت یہ مسی یہ لعل خنداں
غضب اور تس پہ لینا یہ زباں بزیر‌‌ دنداں

حیدر علی آتش

رنج سے عشق کے ہے راحت دنیا بد تر
زخمِ خنداں ہوں اگر میں گلِ خنداں مانگوں

مصحفی غلام ہمدانی

نہ کھلے غنچۂِ تصویر کے مانند کبھو
لبِ خاموش مرے اے گلِ خنداں تجھ بن

مصطفٰیٰ خان شیفتہ

رات واں گل کی طرح سے جسے خنداں دیکھا
صبح بلبلِ کی روش ہمدم افغاں دیکھا

عبدالحمید عدم

پیالہ شام کو رکھتا ہوں جب بھی میں عدمؔ آگے
جواں ہمجولیوں کے روئے خنداں یاد آتے ہیں

مصطفیٰ زیدی

اس کا رونا ہے کہ پیماں شکنی کے با وصف
وہ ستم گر اسی پیشانی خنداں سے ملا

اختر شیرانی

وقتِ امداد ہے اے ہمت گستاخی شوق
شوق انگیز ہیں ان کے لب خنداں کیا کیا
بخت بیدار کہاں جلوۂ دل دار کہاں
خواب میں بھی ہمیں وہ غنچۂ خنداں نہ ملا

تلوک چند محروم

برگ ہائے گلِ تر کا یہ پریشاں ہونا
جرم ہے گل کدۂ دہر میں خنداں ہونا

فانی بدایونی

ہر تبسم کو چمن میں گریہ ساماں دیکھ کر
جی لرز جاتا ہے ان غنچوں کو خنداں دیکھ کر

مجروح سلطان پوری

لے کے آئی تو صبا اس گل چینی کا پیام
وہ سہی زخم کی صورت لب خنداں تو کھلا