مرزا غالب

حسنِ مہ گرچہ بہ ہنگامِ کمال اچھا ہے
اس سے میرا مہِ خورشید جمال اچھا ہے
ہم سخن تیشے نے فرہاد کو شیریں سے کیا
جس طرح کا کہ کسی میں ہو کمال اچھا ہے

انشاء اللہ خان انشا

انکھڑیاں سرخ ہو گئیں چٹ سے
دیکھ لیجے کمال بوسے کا
انکھڑیاں سرخ ہو گئیں چٹ سے
دیکھ لیجے کمال بوسہ کا

حیدر علی آتش

کمال کون سا ہے وہ جسے زوال نہیں
ہزار شکر کہ مجھ کو نہ کچھ کمال ہوا
دکھلایا بے نقاب جسے بندہ ہو گیا
وہ روئے سادہ نقش ہے صاحبِ کمال کا

مصحفی غلام ہمدانی

اکسیر ہے مصحفیؔ کا ملنا
یعنی کہ وہ ہے کمال کے ساتھ
مصحفیؔ تیرے شعر دل کش کو
اب تو لگتا نہیں کمال کا شعر
بندہ ہوں میں تو اس کی آنکھوں کی ساحری کا
تارِ نظر سے جس نے صاحبِ کمال باندھے

مصطفٰی خان شیفتہ

ہے نسخہء معارف و مجموعۂِ کمال
روزِ فراق میں ہے قیامت، جمالِ گل

مرزا رفیع سودا

نازاں نہ ہو تو اس پر گر تجھ کو سنگ میں سے
گوہر نکالنے کا کسب و کمال آیا

جون ایلیا

جو عطا ہو وصال جاناں کی
وہ اداسی کمال کی ہو گی
میں سطح حرف پہ تجھ کو اتار لایا ہوں
ترا زوال ہی میرا کمال ہے شاید

عبدالحمید عدم

کسی نازک بدن سے ٹکرا کر
کوئی کسب کمال کر چلئے

عرفان صدیقی

تیغِ ستم کے سامنے ہاتھ کو ڈھال کر دیا
ہم نے کمال کر دیا دستِ کمال کے بغیر
تیغِ ستم کے گرد ہمارے خالی ہاتھ حمائل تھے
اب کے برس بھی ایک کرشمہ اپنے دستِ کمال میں تھا
بزرگِ وقت، کسی شے کو لازوال بھی کر
تو کیسا شعبدہ گر ہے ، کوئی کمال بھی کر

رئیس فروغؔ

شعلوں سے تجھے گزار دیں گے
ہم سے یہ کمال بھی رہے گا

اختر شیرانی

کہیں کس سے اخترؔ بے نوا ہمیں بزمِ دہر سے کیا ملا
وہی ایک ساغر زہرِ غم جو حریف نوش کمال ہے

ادا جعفری

مدت ہوئی کچھ نہ دیکھنے کا
آنکھوں کو کمال آ گیا ہے
دشت میں سامنے تھا خیمۂ گل
دوریوں میں عجب کمال سا تھا

عالم تاب تشنہ

مری دسترس میں ہے گر قلم مجھے حسن فکر و خیال دے
مجھے شہر یار سخن بنا اور عنان شہر کمال دے

علی سردار جعفری

مال و زر، مال و زر کی قیمت کیا
صاحب دولت کمال ہیں ہم

غلام محمد قاصر

جنوں کا جام محبت کی مے خرد کا خمار
ہمیں تھے وہ جو یہ سارے کمال رکھتے تھے

ماجد صدیقی

فن سے مرے کہ ہے جو فراز کمال پر
پہنچا ہے اس کا ذکر ہر اک بک سٹال پر

جلیل مانک پوری

کہہ دو یہ کوہ کن سے کہ مرنا نہیں کمال
مر مر کے ہجرِ یار میں جینا کمال ہے
باتوں باتوں میں لگا لائے حسینوں کو جلیلؔ
تم کو بھی سحر بیانی میں کمال اچھا ہے

حسرت موہانی

دل کو ہے یاد شوق کا وہ ہنر
جس سے بڑھ کر کوئی کمال نہیں

شاد عظیم آبادی

خدا خدا کرو اے شادؔ اس پہ نخوت کیا
جو شاعری تمہیں آئی تو کیا کمال آیا

عزیز حامد مدنی

جو بت کدے میں تھے وہ صاحبان کشف و کمال
حرم میں آئے تو کشف و کمال سے بھی گئے
ہجر و وصال و نیک و بد گردش صد ہزار و صد
تجھ کو کہاں کہاں مرے سرو کمال لے گئی

احمد فراز

فقط ہنر ہی نہیں عیب بھی کمال کے رکھ
سو دوسروں کے لیے تجربے مثال کے رکھ

کلیم عاجز

یہ عقل والے اسی طرح سے ہمیں فریب کمال دیں گے
جنوں کے دامن سے پھول چن کر خرد کے دامن میں ڈال دیں گے

میرا جی

پہلے بھی مصیبتیں کچھ آئیں
پر اب کے کمال ہو گیا ہے