مرزا غالب

غم کھانے میں بودا دلِ ناکام بہت ہے
یہ رنج کہ کم ہے مئے گلفام، بہت ہے

امام بخش ناسخ

مجھ کو اب ساقی گلفام سے کچھ کام نہیں
مے سے کچھ کام نہیں جام سے کچھ کام نہیں

داغ دہلوی

گھونٹ پی کر بادۂِ گلفام کے
بوسے لے لیتا ہوں خالی جام کے

مرزا رفیع سودا

بندہ کہو خادم کو چاکر کہو مجھ کو
جو کچھ کہو سو ساقی گلفام کا ہوں میں

جگر مراد آبادی

غم میں بھی ہے سرور وہ ہنگام آ گیا
شاید کہ دور بادۂ گلفام آ گیا

عبدالحمید عدم

غلمان بھی جنت کے بڑی چیز ہیں لیکن
توبہ مری وہ ساقی گلفام ہمارا
ادراک ابھی پورا تعاون نہیں کرتا
دے بادۂ گلفام میں کچھ سوچ رہا ہوں

قمر جلالوی

یہ جو چھلکے ہیں، نہیں قطرے مئے گلفام کے
میری قسمت پر نکل آئے ہیں آنسو جام کے
بہار آ جائے گر وہ ساقی گلفام آ جائے
ہر اک شاخِ چمن پر پھول بن کر جام آ جائے

عرفان صدیقی

میں چاہوں مرے دل کا لہو کسی کام آ جائے
موسم چاہے چہروں کو گلفام نہ رکھنا

الطاف حسین حالی

وہ وقت گیا نشہ تھا جب زوروں پہ اپنا
اب وقت خمار مئے گلفام ہے درپیش

رئیس فروغؔ

اتنا سچا ایسا جھوٹا اور ملے گا کون تجھے
تو مٹی کا ایک بدن ہے میں تجھ کو گلفام کہوں

احسان دانش

کہاں محفل میں مجھ تک بادۂ گلفام آتا ہے
جو میرا نام آتا ہے تو خالی جام آتا ہے

اسرار الحق مجاز

واعظ و شیخ نے سر جوڑ کے بد نام کیا
ورنہ بد نام نہ ہوتی مے گلفام ابھی

بیان میرٹھی

بحر میں گرداب ہے اور دشت میں ہے گرد باد
خشک و تر میں ہے تری شوخی سے اے گلفام رقص