مرزا غالب

نمائش پردہ دارِ طرز بیدادِ تغافل ہے
تسلی جانِ بلبل کے لیے خندیدنِ گل ہے
نہ چھوڑا قید میں بھی وحشیوں کو یادِ گلشن نے
یہ چاکِ پیرہن گویا جوابِ خندۂِ گل ہے
جلوہ زار آتش دوزخ ہمارا دل سہی
فتنۂِ شورِ قیامت کس کی آب و گل میں ہے

امام بخش ناسخ

جذب جنسیت بہم رہنے نہیں دیتا فراق
کل بنا جو جسم خاکی آج گل درِ گل ہوا

بہادر شاہ ظفر

دو چار لاشے اب بھی پڑے تیرے در پہ ہیں
اور آگے دب چکے ہیں تلے گل کے چار پانچ

داغ دہلوی

ہزاروں داغ پنہاں عاشقوں کے دل میں رہتے ہیں
شرر پتھر کی صورت ان کی آب و گل میں رہتے ہیں
نہ دیکھے ہوں گے رندوں سے بھی تو نے پاک اے زاہد
کہ یہ بے داغ مے خانے کی آب و گل میں رہتے ہیں

شیخ ابراہیم ذوق

جن کی نظر چڑھا ترا رخسار آتشیں
ان کا چراغ گور نہ تا حشر گل ہوا
اس بن رہا چمن میں بھی میں ذوقؔ دل خراش
ناخن سے تیز تر مجھے ہر برگِ گل ہوا
اے گریہ نہ رکھ میرے تن خشک کو غرقاب
لکڑی کی طرح پانی میں گل جائے تو اچھا

مصطفٰی خان شیفتہ

ہے نسخہء معارف و مجموعۂِ کمال
روزِ فراق میں ہے قیامت، جمالِ گل
شب ہائے ہجر میں ہے مصیبت، لقائے گل
لیکن مبالغہ تو ہے البتہ اس میں کم

مرزا رفیع سودا

ہستی کو تری بس ہے میاں گل کی اشارت
کافی ہے مرے نالے کو بلبلِ کی اشارت

جون ایلیا

اک جہنم ہے میرا سینہ بھی
آرزو کب کی گل گئی ہو گی