مرزا غالب

کیا تنگ ہم ستم زدگاں کا جہان ہے
جس میں کہ ایک بیضۂِ مور آسمان ہے

انشاء اللہ خان انشا

یا تو وہ عہد تھے کہ ہم ہرگز
نہ پھریں گے اگر جہان پھرے

شیخ ابراہیم ذوق

تو وہ ہے ماہ جبیں مثل دیدۂِ انجم
رہے ہے تیری طرف چشم یک جہان لگی

مصحفی غلام ہمدانی

مصحفیؔ گر تو مرد کامل ہے
دل نہ رکھ اس جہان پر عاشق
ہوا تھا مستی کی مجلس میں شب گزر اپنا
کیا نظارۂِ محویت جہان نگاہ

میر مہدی مجروح

آئنہ ساز سکندر ہے تو جم جام فروش
وسعت آباد ہے کس درجہ جہان دہلی

یگانہ چنگیزی

حسن کیا خواب سے ہوا بیدار
جان تازہ جہان میں آئی

باقی صدیقی

وقت کے ساتھ خ بدلتا ہے
ہر گھڑی ہحے نیا جہانِ غزل

جون ایلیا

یہ مجھے چین کیوں نہیں پڑتا
ایک ہی شخص تھا جہان میں کیا

شکیب جلالی

سمجھ رہا تھا ستارے جنہیں ‘ وہ آنکھیں ہیں
مری طرف نگراں ہیں کئی جہان‘ کھلا

عرفان صدیقی

میں اپنی کھوئی ہوئی بستیوں کو پہچانوں
اگر نصیب ہو سیرِ جہانِ گمشدگاں

جلیل مانک پوری

ہائے اس عالم آشنا کی نظر
ہر نظر میں جہان ہے گویا

ثروت حسین

روشنی کا اتا پتا لینے
شب تیرہ جہان میں آئی

احمد فراز

یہ ذات یہ کائنات کیا ہے
تو جان مری جہان میرا