مرزا غالب

وہ ہی صد رنگ نالہ فرسائی
وہ ہی صد گونہ اشک باری ہے

امام بخش ناسخ

شبِ تاریک جدائی میں یہ چلاتا ہوں
دق بہت کرتی ہیں یا حضرتِ باری راتیں

انشاء اللہ خان انشا

ٹک ادھر دیکھ تو بھلا اے چشم
فائدہ ایسی اشک باری میں

بہادر شاہ ظفر

ہوتے ہوتے چشم سے آج اشک باری رہ گئی
آبرو بارے تری ابرِ بہاری رہ گئی
اے ظفرؔ لکھ تو غزل بحر و قوافی پھیر کر
خامۂِ در ریز سے ہیں اب گہر باری میں ہم

مصطفٰی خان شیفتہ

سرو میں کب پھل لگا، تاثیر کیا ہو آہ میں
چشمِ تر کی صورتِ ابر اشک باری ہے عبث

مومن خان مومن

یاد آئی جو گرمجوشی یار
دیدۂ تر نے شعلہ باری کی
بس کہ ہے یار کی کمر کا خیال
شعر کی سوجھتی ہے باریکی

میر مہدی مجروح

بھلا کیا ایسی روتی شکل پاس آ کر کوئی بیٹھے
اٹھے آخر وہ جھنجھلا کر برا ہو اشک باری کا

جون ایلیا

حادثوں کا حساب ہے اپنا
ورنہ ہر آن سب کی باری ہے

عرفان صدیقی

حلقۂ بے طلباں رنجِ گراں باری کیا
اٹھ کے چلنا ہی تو ہے ، کوچ کی تیاری کیا
اس کے لہجے میں کوئی چیز تو شامل تھی کہ آج
دل پہ اس حرفِ عنایت نے گراں باری کی

بشیر بدر

سر پر زمین لے کے ہواؤں کے ساتھ جا
آہستہ چلنے والے کی باری نہ آئے گی

علی سردار جعفری

اے مرے شعلۂ دل شعلۂ شعر و دانش
رات آخر ہے اسے جشن شرر باری دے

تلوک چند محروم

گلستاں پر بڑا احسان تھا ابرِ بہاری کا
نہ ہوتا اس کے دامن میں جو سامان برق باری کا
کنار سندھ گزری ہے مری اک عمر اے شبنم
سلیقہ مجھ کو دریا نے سکھایا اشک باری کا

شکیل بدایونی

حسن مصروف پردہ داری ہے
جانے اب کس نظر کی باری ہے
غمِ الفت تو دل سے ہار چکا
اب غمِ زندگی کی باری ہے

ناصر کاظمی

تیرے وعدے میرے دعوے
ہو گئے باری باری مٹی