مرزا غالب

دل کو ہم صرف وفا سمجھے تھے ، کیا معلوم تھا
یعنی یہ پہلے ہی نذرِ امتحاں ہو جائے گا
مے وہ کیوں بہت پیتے بز م غیر میں یا رب
آج ہی ہوا منظور ان کو امتحاں اپنا
ہم پر جفا سے ترکِ وفا کا گماں نہیں
اک چھیڑ ہے وگرنہ مراد امتحاں نہیں
یہی ہے آزمانا تو ستانا کس کو کہتے ہیں
عدو کے ہو لیے جب تم تو میرا امتحاں کیوں ہو
ہر داغِ تازہ یک دلِ داغ انتظار ہے
عرضِ فضائے سینۂِ درد امتحاں نہ پوچھ
فلک نہ دور رکھ اس سے مجھے ، کہ میں ہی نہیں
دراز دستی قاتل کے امتحاں کے لیے

داغ دہلوی

بہت نکلیں گے روزِ حشر تیرے جور کے خواہاں
ستم کا حوصلہ دنیا میں صرف امتحاں کیوں ہو
کرتے ہیں قتل وہ طلب مغفرت کے بعد
جو تھے دعا کے ہاتھ وہی امتحاں کے ہیں
بازو دکھائے تم نے لگا کر ہزار ہاتھ
پورے پڑے تو وہ بھی بہت امتحاں کے ہیں
دامن سنبھال باندھ کمر آستیں چڑھا
خنجر نکال دل میں اگر امتحاں کی ہے
مجھے یہ حکم ہے زنہار تم نہ کرنا عشق
نصیحتیں بھی وہ کرتے ہیں امتحاں کی طرح

مصحفی غلام ہمدانی

رکھ کے شطرنج غائبانۂِ عشق
تم چلے اک تو امتحاں کی چال

مصطفٰی خان شیفتہ

بہتر ہے آپ غیر سے دل کھول کر ملیں
آخر تو یہ بھی میرے ہی ہے امتحاں کی طرح
امید ہے کہ نباہیں گے امتحاں لے کر
جو اس قدر متقاضی ہیں امتحاں کے لیے
ضبط و شکیب یاں ہے نقابِ جمال میں
بے وجہ واں نہیں ہے سرِ امتحاں ہنوز

فیض احمد فیض

یک بیک شورشِ فغاں کی طرح
فصلِ گل آئی امتحاں کی طرح

یگانہ چنگیزی

ہمارے صبر کی کھاتے ہیں اب قسم اغیار
جفا کشی کا مزہ بعد امتحاں نکلا
مزے کے ساتھ ہوں اندوہ و غم تو کیا کہنا
یقیں نہ ہو تو کرے کوئی امتحاں اپنا
ہمارے قتل کا وعدہ ہے غیر کے ہاتھوں
عجیب شرط پہ ٹھہرا ہے امتحاں اپنا
ناتوانی کا برا ہو آہ کر سکتے نہیں
کیوں فلک اب جذبِ دل کا امتحاں کیوں کر کریں

باقی صدیقی

الجھتا جا زمانے کی نظر سے
کبھی تو ہو گا دور امتحاں ختم

جون ایلیا

آدم و ذات کبریا کرب میں ہیں جدا جدا
کیا کہوں ان کا ماجرا جو بھی ہے امتحاں میں ہے
اہرمن ہو خدا ہو یا آدم
ہو چکا سب کا امتحاں چپ رہ

جگر مراد آبادی

کہاں کا حسن کہ خود عشق کو خبر نہ ہوئی
رہِ طلب میں کچھ ایسے بھی امتحاں گزرے

سراج الدین ظفر

میں نے کہا کہ عشق میں بھی اب مزا نہیں
اس نے کہا کہ از سرِ نو امتحاں کرو

الطاف حسین حالی

کہیں انجام آ پہنچا وفا کا
گھلا جاتا ہوں اب کے امتحاں میں

اسرار الحق مجاز

ٹھکرا دیے ہیں عقل و خرد کے صنم کدے
گھبرا چکے تھے کشمکش امتحاں سے ہم

بشیر بدر

غزل بھی اس طرح اس کے حضور لایا ہوں
کہ جیسے بچہ کوئی آئے امتحاں کے لئے