مرزا غالب

دیدہ خوں بار ہے مدت سے ، ولے آج ندیم
دل کے ٹکڑے بھی کئی خون کے شامل آئے

داغ دہلوی

سنا بھی تو نے اے دل کیا صدا آتی ہے محشر میں
یہی دن امتحاں کا ہے ہمارے کون شامل ہے

مصحفی غلام ہمدانی

تو نے تو آبرو ہی کھو دی ہماری اے دل
مقتل میں عاشقوں کے شامل تڑپ تڑپ کر

جگر مراد آبادی

کوئی مانے نہ مانے اس کو لیکن یہ حقیقت ہے
ہم اپنی زندگی میں غیب کو شامل سمجھتے ہیں

عرفان صدیقی

جو اکیلے میں جلوسوں کا اڑاتا ہے مذاق
وہ بھی اس بھیڑ میں اوروں کی طرح شامل ہے
اس بھیڑ میں گم اے دل نہ ہونا
لوگوں سے ملنا شامل نہ ہونا
بس جی دکھانا لوگوں کے دکھ پر
لوگوں کے دکھ میں شامل نہ ہونا
خاک میں اس کی اگر خون بھی شامل ہے تو کیا
یہ مرا گھر بھی تو ہے کوچۂ قاتل ہے تو کیا
میرے ہونے میں کسی طور سے شامل ہو جاؤ
تم مسیحا نہیں ہوتے ہو تو قاتل ہو جاؤ

علی سردار جعفری

دل پہ ہر حال میں ہے صحبت نا جنس حرام
حیف صد حیف کہ نا جنسوں میں شامل رہیے

شکیل بدایونی

تری بزم سے ہے بس اتنا تعلق
کہ شامل بھی ہوں اور شامل نہیں ہوں

فانی بدایونی

بیداد کی ہر تہ میں سو طرح سے شامل تھا
وہ جان کا دشمن جو کہنے کو مرا دل تھا

قابل اجمیری

شرابِ ناب ہی سے ہوش اڑ جاتے ہیں انساں کے
ترا کیف نظر بھی ہو گیا شامل تو کیا ہو گا

قتیل شفائی

تھی ہم آغوشی مگر کچھ بھی مجھے حاصل نہ تھا
وہ اک ایسا لمس تھا جس میں بدن شامل نہ تھا

مجروح سلطان پوری

میرے ہی سنگ و خشت سے تعمیر بام و در
میرے ہی گھر کو شہر میں شامل کہا نہ جائے

ناصر کاظمی

اب ان سے دور کا بھی واسطہ نہیں ناصر
وہ ہم نوا جو مرے رتجگوں میں شامل تھے